Mayoria di Parlamento a aproba e ley Normering Topinkomens pa companianan semi gubernamental

ORANJESTAD – Diamars un mayoria den Parlamento a aproba e ley Normering Topinkomens, osea e asina yama Wever-Croes norm. Esaki a sosode cu votonan di partidonan di coalicion MEP y RAIZ y di e partido di oposicion Accion21. Esaki ta nifica cu Aruba oficialmente ta cumpli cu un condicion mas pa asina gobierno por duna 5% di salario bek na su trahadonan entrante luna di juli 2022. E ley ta regula e maximo cu un hefe di un compania semi gubernamental of gubernamental por gana, y esaki no por surpasa e 130% di e salario di un minister of prome minister. Ta premira si awor, cu algun compania lo por hiba gobierno Corte, debi cu nan tin contractonan pa e salario cu nan ta trahando pe actualmente. Algo cu gobierno ta na altura di dje. “