DOW: A haya transformer na RWZI kima dialuna mainta

BUBALI – DOW a raporta dialuna mainta cu nan ‘Step Up Transformer 220-440’ a kima na e Riool Water Zuiverings Instalatie (RWZI) na Bubali. “ Mesora nos a mobilisa nos dieselpumpnan pa asina sigui recoge e awa cu e ta drenta” DOW a avisa riba nan pagina di Facebook. “ Cu esaki nos kier a avisa cu meldingnan di riolering cu ta drenta, nos lo haci nos maximo esfuero pa yuda mas liher cu ta posible” DOW a sigui bisa. Despues nan a informa cu a haya un solucion y cu ta drechando e sistema.