Parlamento ta trata ley pa regula salario maximo di directornan

ORANJESTAD – Parlamento ta inicia tratamento di e ley pa regula salario maximo di ehecutivonan di companianan na Aruba. E asina yama Landsverordening Normering Topinkomens (LNT). E intencion ta pa regula e maximo cu un hefe of director di un compania por gana, pa asina e no ta exorbitadamente halto. Y sigur no den companianan semi gubernamental, unda cu Hulanda kier pa bin un cambio den esaki y a pone esaki como un condicion pa futuro ayudo financiero y eliminacion di e recorte salarial actual. Manera custumber, tin resistencia den sector comercial y tambe dentro di oposicion. Asina mes ta premira cu e ley aki por pasa cu e minimo di voto, solamente di partidonan pro coalicion.