RMR: Aruba por cuminsa cu proceso pa elimina recorte salarial

DEN HAAG – Conseho di Minister di Reino (RMR) a duna su aprobacion pa Aruba cuminsa cu e proceso di eliminacion di e recorte salarial, mientras cu St Maarten y Corsou tin cu warda un rato mas. Asina secretario di estado Hulandes Alexandra van Huffelen a confirma despues di e reunion. “Aruba a bay di acuerdo caba (cu e condicionan poni:red) pues e por cuminsa (cu e eliminacion di e recorte salarial)”, secretaria van Huffelen a cuminsa na bisa. “St Maarten y Corsou ainda no!”, e mandatario a subraya, indicando cu nan ainda no a bay di acuerdo cu e condicionan. 

E CONDICIONAN

E condicionan menciona awe mainta atrobe, tabata e.o. e ley di normering topinkomens  wordo implementa, cu e suma ta sali di e propio presupuesto, y cu e recorte di 25% pa politico tambe keda vigente. Asina e mandatario a bisa awe mainta tambe, recordando cu Aruba lo haci e eliminacion den fase, ya cu un eliminacion completo e no por wanta di su presupuesto actual, y lo tin cu sosode ora cu Aruba tin un surplus atrobe. Por scucha e declaracion di e mandatario awe mainta AKI. 

Potret y audio cortesia di ‘Entrevista Cu’.