Huida na clinica TBS na Nijmegen, Hulanda a bay asina lihe cu no a logra gara nan

NIJMEGEN – Seguridad di e clinica TBS Pompekliniek na Nijmegen tabata sa di e huida di dos TBS’rs diamars anochi di e lugar, pero cos a bay asina lihe cu nan no a logra pone man riba e dos personanan en cuestion. Asina e director Edo de Vries a sigura. Un di dos heki cu mester a frustra un intento, despues di 3 aña ainda no ta completa. Tabata diamars anochi cu e dos personanan Luciano Dijkman y Sherwin Windster a logra scapa. Nan a logra haci esaki den un auto cu tabata cla para pa yuda nan. Helicopter a purba busca pero sin exito. Tin un ekipo special en busca di e dos fugitivonan.