Prensa local a purba e platonan di e prome restaurant Olive Garden na Aruba

Posted on 06/20/2022 5:49 pm AST | Updated on 06/20/2022 5:53 pm AST

ORANJESTAD  – Un dia prome cu e dia di apertura oficial (21 di juni pa 11’or di mainta), un grupo di prensa local di Aruba a haya e chens pa purba e platonan italiando di e prome restaurant Olive Garden na Aruba pa lunch dialuna merdia. (E restaurant lo habri pa publico riba diamars dia 21 di juni proximo).  Olive Garden ta masha famoso pa su generosidad Italiano, incluyendo su “garden-fresh salad”, sopi estilo di cas y su pan di garlic fresco horna eyden mes. Olive Garden ta e cadena di restaurant Italiano mas grandi den henter Merca, operando mas di 880 restaurant y ta emplea riba 96 mil trahado.

A compronde cu MetaCorp a haci un inversion cuantioso den e prome restaurant di Olive Garden na Aruba, situa den e compleho Gloria – Movies, Dining, Entertainment and Play.  E prome Olive Garden ta midi 380 meter cuadra cu 15 mesa den e terasa y a emplea no menos di 80 trahado pa por carga e operacion.

“Nos ta contento pa cera un aliansa cu MetaCorp pa por sigui expande Olive Garden den Caribe door di habri e prome Olive Garden na Aruba. Nos sa cu e amplio experencia di MetaCorp den e industria di cuminda y entretenimento lo yuda nos sirbi e clientenan di Aruba na un forma exitoso”, asina Bradley Smith, Senior Vice President of Franchising di e compania Darden Restaurants, cu ta doño di Olive Garden, a enfatisa.

Prensa por a scohe di e menu varia y extenso   di Olive Garden cu ta ofrece e.o. e clasico Chicken Alfredo, Lasagna y Chicken Parmigiana, tur prepara fresco y cu ingredientenan di calidad superior. Olive Garden ta famoso pa su cuminda Mericano Italiano, cu su salada, sopi y su breadsticks cu ta mundialmente conoci. Adicionalmente, e estilo familiar di e restaurant ta permitie di ta e luga ideal pa famia, grupo di amigo of colega, pa disfruta di un dushi cuminda den un atmosfera confortabel. 

“Manera nos a menciona na fin di aña pasa, ta nos intencion pa sigui inverti den nos economia. Den e ultimo 100 añanan di nos existencia, semper MetaCorp a inverti na momento cu mas nos economia tabatin mester di dje. Pasobra nos vision ta, cu si nos como Rubiano no kere den nos mes, ta ken si lo kere den nos pais. Y manera ta custumber, nos semper ta scoge pa lo miho pa Aruba y Olive Garden sin duda lo complementa e mix di restaurantnan famoso y di bon calidad riba nos isla”, asina Eddie de Veer, CEO di MetaCorp a duna di conoce.

TOCANTE OLIVE GARDEN

Na Olive Garden, nos sa cu bida ta mas dushi hunto y tur hende ta mas content ora nan ta den famia. Como lider den e segmento di restaurantnan Italiano, Olive Garden tin mas di 880 restaurant y ta emplea mas di 96.000 asociado. Olive Garden ta un division di Darden Restaurants, unda cu e empleado ta nos exito. Nos ta orguyoso di emplea riba 175 mil asociado den mas di 1800 restaurant.

TOCANTE METACORP

MetaCorp ta existi desde aña 1920 caba den negoshi di cine. Cu apertura di Lago a cuminsa cu E. De Veer Transport cu awendia yama ATCO cu despues a expande tambe den ATCO Concrete Products y Ecotech. Despues di e di dos guera mundial a cumpra e planta di Coca Cola y asina a inicia Tropical Bottling, cu na caminda a expande tambe den Brouwerij Nacional Balashi.

MetaCorp ta e empresa comercial mas bieu na Aruba y ya a surpasa 100 aña di existencia continuo. Cu un fundeshi solido, cu un cultura di compania basa riba principionan di inversionnan duradero y kere den empleadonan, MetaCorp awendia ta cla pa e siguiente 100 añanan di progreso, cu talentonan manera Eddie de Veer y Guus Slabbekoorn na cabes di e compania.

 

  • CAFt a confirma cu a ricibi contesta y ta analisando reaccion di gobierno di Aruba!

    CAFt a confirma cu a ricibi contesta y ta analisando reaccion di gobierno di Aruba!

    ORANJESTAD – E colegio di supervision financiero pa Aruba CAFt a confirma pa noticiacla cu nan a ricibi e contesta di gobierno riba nan ultimo reaccion. “Esaki ta wordo analisa aworaki” e colegio a sigui bisa  diabierna mainta. Awor tin cu warda wak kico CAFt lo bisa bek, y si e contesta di gobierno ta suficiente pa CAFt deshaci di e pensamento pa conseha conseho di minister di Reino riba e supuesto ‘incumplimento’ di Aruba, acompaña pa un recomendacion pa duna Aruba un instruccion. Si e ultimo reaccion di gobierno no ta suficiente, por spera e conseho negativo proximamente.

  • Departamento di Impuesto a habri su portanan bek diabierna mainta

    Departamento di Impuesto a habri su portanan bek diabierna mainta

    ORANJESTAD – Departamento di Impuesto a informa cu e tabata cla pa brinda servicio bek na tur contribuyente entrante awe diabierna, 1 di juli 2022. A haci tur trabao preparativo durante e dia di 30 di juni. Staf y personal di Departamento di Impuesto a logra controla tur ekipo pa cualkier dan?o di awasero tanto na e oficina principal na Camacuri como tambe na tur MFA y na Postkantoor San Nicolas. E tecniconan y personal di Departamento di Impuesto a logra start tur e sistemanan digital bek y a haci e testnan necesario cu exito.

  • Lotto ta duna bo chens pa gana casi un miyon florin awe nochi!

     Lotto ta duna bo chens pa gana casi un miyon florin awe nochi!
  • WEB a suspende aumento di tarifa di awa temporalmente!

    WEB a suspende aumento di tarifa di awa temporalmente!

    ORANJESTAD – WEB Aruba NV diabierna den un anuncio mes sorpresivo cu esun anterior, a dicidi pa suspende e aumento di tarifa di awa anuncia pa awe, temporalmente. Asina e compania a informa diabierna mainta trempan. Segun e compania, nan a dicidi pa tuma tal decision, den consulta cu e accionista Utilities Aruba NV. Mientras ta bisa temporalmente, no ta conoci con largo esaki lo keda suspendi. For di ayera nochi, noticiacla a tende e rumor aki y a puntra minister di energia Glenbert Croes si esaki tabata berdad. E mandatario a reacciona bisando solamente cu awe mainta e lo tabata topico di discusion den conseho di minister.  

  • ATIA ta cuestiona cu sector publico a keda cera awe siendo cu tur cos ta ‘back to normal’

    ATIA ta cuestiona cu sector publico a keda cera awe siendo cu tur cos ta ‘back to normal’

    ORANJESTAD – Aruba Trade & Industry Association (ATIA) a bisa diahuebs mainta cu, “como representante y e voz di comerio di Aruba no ta compronde dicon sector publico ta keda sera si sector priva si por a habri awe 30 juni, un dia despues di PTC2”. Segun e gremio, sector priva ta depende di sector publico den varios area pa fungi efectivamente.  Por pensa riba DOW, Aduana, Arubus, DIP, DIMAS, DPL y DIMP, cu ta departamentonan clave pa sector priva por ta productivo. 

  • WEB: Tarifa di awa ta aumenta diabierna awor!

    WEB: Tarifa di awa ta aumenta diabierna awor!

    ORANJESTAD – Entrante 1 di juli tarifa di awa ta subi cu un averahe di Awg. 1.50 pa m3. E aumento ta debi na un aumento drastico di Heavy Fuel Oil (HFO) di ±126%, compara cu aña 2021. Hunto cu e aumento e compania di awa y energia ta introduci un structura di tarifa nobo, cual ta conduci na un particion mas husto entre consumidornan grandi y consumidornan chikito. Clientenan lo nota e aumento di tarifa pa prome biaha den cuenta di awa di augustus 2022.

  • Powered by SETAR