Despues di dos ora di blackout, Aruba completo tabatin coriente bek

ORANJESTAD – Despues cu algo despues di 2’or coriente a bay na Aruba, tabata bisto cu esaki tabata e isla completo, osea un blackout total. Algun rato despues, WEB a anuncia cu e storing a surgi den e planta nobo RECIP IV. Asina cu a detecta e problema, a cuminsa lanta produccion bek via e otro plantanan di RECIP, boilernan y turbina di gas. A premira 1 pa 2 ora di tempo pa reestablece coriente bek. Algo despues di 3’or e prome barionan a cuminsa haya coriente bek y pa 20 pa cuater, WEB a anuncia cu Aruba completo tabatin coriente atrobe. Segun e vocero di WEB, Asja Dongen, danki na e technologia di RECIP, por a reestablece coriente bek mucho mas lihe cu den pasado. A menciona te hasta cu den futuro, si tin problema cu coriente, den apenas 10 minuut.