Debi na blackout, 5 buelo no por a baha na Aruba y mester a desvia

ORANJESTAD – E blackout di diahuebs atardi no por a bin na un pio momento pa aeropuerto Reina Beatrix. Un aeropuerto modern cu lo mester por a usa su generadornan, a keda pega ora cu esaki no a traha. Net durante di e peak hour, aeropuerto a haye ta cera, incluyendo su pista. Esey a pone cu por lo menos 5 buelo mester a desvia y uno a keda cancela mes. Ademas, dos buelo yen di pasahero, Delta y Southwest tabatin pasahero den avion, cla pa sali, pero mester a warda. Finalmente a cancela esun di Delta y e pasaheronan a keda tera. Ademas, debi na e blackout, no menos cu 5 buelo mester a desvia pa sea Corsou of Santo Domingo, y uno di Delta mester a cancela, debi cu a haya problema cu e tripulacion cu a bira ‘ilegal’. Esaki ta nifica cu nan ora di traha lo a bira un problema pa cual ‘legalmente’ nan no ta permiti pa traha mas. n vuelo di Delta a cancel pa sali due to crew rest issues.

BUELONAN CANCELA

E buelo di Delta 581 a keda cancela pa Atlanta, buelonan di JetBlue 547 y 773 a keda desvia pa Corsou y JetBlue 757 pa Republica Dominicana, Ezy Air 701 pa Corsou, y United 1042 pa Republica Dominicana.

GENERATORS

Un problema tambe cu aeropuerto a confronta, tabata e hecho cu e generadornan no a traha ora cu tabata necesario, causando mas problema ainda. Esey a pone cu mester a cuminsa evacua tur personal paden, y despues por a sigui cu esnan den e avionan den cual tabatin pasahero wardando pa biaha. Na tur, sigur un atardi problematico pa un aeropuerto moderno, pero cu pa dos ora, no por a yuda su mes.