Gobierno ta preocupa cu cifranan aumentando di Covid19

ORANJESTAD – Gobierno a admiti di ta ‘preocupa’ dialuna mainta durante conferencia di prensa, riba e cantidad alarmante di casonan cu ta aumentando di Covid19. Siman pasa diabierna noticiacla. com a raporta e cifranan mas recien, unda cu a mustra cu e cifranan pa siman a redobla. Pa dia, tin 134 caso nobo ta bin acerca y e prome mandatario di Aruba Evelyn Wever Croes a comparti su preocupacion. Pero atrobe, ta usa hospital como un ‘midi’ pa tuma paso mas drastico. Y esey actualmente ta ‘bou di control’, cu ‘apenas’ 1 persona den ICU, y 9 persona riba sala. 

NO WARDA GOBIERNO

A pidi pa no warda gobierno bin cu medida pa cuidabo, pasobra esaki ta e momento pa bo mes cuida bo mes y bo famia. Legalmente cu 1 persona ‘apenas’ den ICU, no tin e base legal pa impone base di ley pa impone boet p.e. Ta preocupa cu e datonan cu e mas di 700 persona cu ta contagia, di cual e edad ta entre 40 pa 50 aña cu no ta un edad halto y di riesgo. Ta mira cu e edad ta bahando. Ey facilmente e por wordo transmiti bek pa adultonan. 

RECOMEDACION

Ta recomenda pa evita sitionan di aglomeracion di hopi hende, sigur paden. Ta evita pa tene contagio cu hende cu tin simptoma, y corda laba man etc.