Aruba a registra 3 morto di Covid19, 941 caso nobo y total activo 701

ORANJESTAD – Cifranan ta aumentando alarmantemente atrobe pa Covid19. E siman aki so, segun informacion di DVG, siman pasa tabatin 326 caso activo y esaki a subi te 701 e siman aki. Ademas den e siman aki so, 3 persona a fayece di Covid19. Y atrobe tin hende den ICU y 9  riba piso, cu ta un aumento di 5 persona, compara cu 4 di siman pasa. 

Tambe tin cu bisa cu 563 persona a recupera den e siman aki y un total di 941 caso nobo di COVID-19 a keda registra.

E cantidad di casonan activo di COVID-19 pa awe ta 701 y cantidad di fayecidonan relaciona cu COVID-19 a aumenta na 216. Forsa na famia di e fayecidonan

Datos ta ilustra casonan nobo di COVID-19 cu un averahe semanal di 134 caso positivo pa dia y un averahe di 'Positivity rate' semanal di 46% pa dia.

Actualmente na Aruba tin 10 persona interna cu of debi na COVID-19 di cual den ICU tin 1 persona y riba piso general 9.

Na Colombia no tin ningun pashent di COVID.