Famoso DJ internacional Osocity ta graba un mix nobo na Aruba

ORANJESTAD - Diasabra awor dia 4 di Juni 2022, Aruba lo tin bishita di un di e djnan mas popular na mundo actualmente esta Dj Osocity. E dj aki tin aproximadamente 2 miyon ‘followers’ riba youtube y tin varios video cu a ricibi mas di 50 miyon di ‘views’. E forma contagioso di mix diferente ritmo y combinanando esaki cu lugarnan exotico ta parti di e formula exitoso. Osocity lo ta grabando un di su mixnan nobo na Aruba. Esaki sigur lo ta un promocion grandi pa nos isla di Aruba, mirando e ‘reach’ di Osocity. 

Osocity mes ta un dj y productor di Merca di cual su talento a hibe pa presenta na paisnan manera Israel, Francia, Belize, Inglatera, Luxemburg, Haiti, Sint Maarten y diferente estado rond Merca. E la crece den e estado di Florida y esaki a causa cu e la ricibi un influencia di musica menra Hip Hop, Reggae, Dancehall, Soca, Reggaeton, Funk, Moombathon, Ampiano y hopi mas. E la crea cu e ta un dj sumamente diverso. Pa loke ta su presentacionan na diferente club y concierto por menciona cu e ta transmiti un nivel di energia unico cu ta pone cu e publico ta bira hopi anima.

Por wak e diferente mixnan di Osocity via https://www.youtube.com/c/OSOCITYNATION