Arubianonan tambe ta cansa cu e caos na Schiphol

SCHIPHOL – E situacion na aeropuerto di Schiphol na Hulanda ta keda un caos. Awe mainta atrobe potretnan di rij largo tabata aparece riba medionan Hulandes. Un pareha Arubiano biahando pa Aruba dialuna mainta a comparti nan disgust hunto cu potret tambe. “ Ba kere cu bo a experencia e pior filanan na aeropuerto, pa despues bo yega Schiphol. Simplemente loco!” Nan ta simplemente algun di e hopi nan cu ta hopi rabia. Tin fila di casi 5 ora y awe den awacero, cu ta haci e situacion pio. E director finalmente a duna cara den fin di siman, y ta sigura di ta trahando riba solucionan, pues segun e director Dick Benschop.  E filanan ta mas tanto pa e parti control di seguridad unda cu tin escases di personal y problema laboral cu e sindicatonan ya pa 4 siman caba.