Mr. de Kort durante instalacion como presidente di Corte Comun: Ken mi ta pa por haci esaki?”

WILLEMSTAD – E siman aki hues Mauritsz de Kort a keda instala como Presidente di Corte Comun, durante e ceremonia acostumbrado na Corsou, como base di Corte. “Ken mi ta pa por haci esaki” ta e pregunta cu e magistrado ta cuminsa haci den su discurso. E la reconoce cu ta palabranan historico di Reina Juliana ora cu e la bira Reina na 1948. E ta reconoce e dicho aki cu su situacon. “Un derecho y un honor cu e tarea respetuoso a confia mi cu mi”. E la toca dos punto importante durante su bida, cu a form’e pa e funcion actual. E parti personal, cu e la nace na Aruba, di un famia di un solo mayor (tata a fayece ora cu de Kort tabata mucha), pero unda cu e base tabata uno solido, y cu e mes tambe a aporta na dje y cu nada tabata ‘sin mas of di mes’. Esey a pone cu e ta e persona cu e ta awe. E di dos punto ta e forma con e la forma su carera, trahando na praticamente tur e islanan den Reino Hulandes, cu a dune un conocemento amplio di e islanan y nan cultura, cu ta yuda cu e momento cu tin cu tuma cierto decisionan, ya cu cada teritorio ta diferente. Y ta algo cu tin cu tuma na cuenta. “E hues mester tin un bon antenna pa loke ta biba den comunidad na opinion y balor. Cada isla tin un otro sistema pa cual mester conoce y conecta cu otro pa duna contenido na e ‘Corte Comun’. Tambe de Kort ta haci mencion di varios tarea cu e tin, manera sigui fortifica Corte den un cuadro internacional, e cooperacion di tur e instancianan (Hoge Raad, Raad van State, etc etc), netwerk cu organisacionan, y tambe e enfoke riba e proceso primario, e trabou real di hues. Y asina tin un sin fin di punto cu e lo tene cuenta cu ne durante su periodo como presidente. Por lesa e discurso completo AKI. Potret cortesia Antiliaans Dagblad.