Bapor crucero lo transporta hoben autista for di Aruba bek pa Miami

ORANJESTAD – E hoben autista Elijah Kapatos y su mama Jamie Greene a haya ayudo pa bandona Aruba otro siman, despues cu nan ‘odisea’ a bira publico, manera cu noticiacla a publica recientemente. E bapor crucero Carnival Horizon lo transporta nan di Aruba pa Miami otro siman. E yiu y mama ta ‘pega’ na Aruba desde 17 di mei debi cu e yiu a haya un ataca di panico ora di aborda e avion bek pa Merca despues di vacacion. E resto di famia a bandona Aruba caba, y e mama y yiu tabata busca forma pa tambe bandona Aruba, pero no cu avion mas pasobra e yiu no por maneha esey. Debi na e publicidad, un fundacion autista na Florida a tuma contacto cu e crucero y nan a bay di acuerdo pa transporta e dos personanan gratis, for di Aruba otro siman. E bapor ta yega Aruba diamars, piki e dos personanan y nan lo yega Miami bek 5 di juni y despues core cu auto pa nan ciudad final.