Conocido comerciante ‘Dadou’ Croes a bay sosega

ORANJESTAD – E conocido comerciante y ciudadano Paul Radall Croes (67), miho conoci como ‘Dadou’, a bay sosega diaranson inesperadamente. E tabata hopi conoci como e ‘cara’ di ex Texas Furniture Store, como e di tres generacion cu a maneha e negoshi antes. Semper amabel, cariñoso y cu su chistenan di semper. E tabata conoci pa trata su clientenan tur como famia semper. A compronde cu Dadou a opera pa kita appendix cu inicialmente a bay bon. Pero despues a haya complicacion awor cu lamentablemente e no a sobrevivi y a bin fayece diaranson. E ta laga atras su pareha Irene, su tres yiu muhernan Joanne, Elizabeth y Marie Therese y su rumanan Karine, Jocelyne, Arielle y Max Jr.. Noticiacla ta manda palabra di profundo condolencia na su famianan. Cu Dadou sosega na paz.