Vrolijk: Parlamento a aproba pa recorte di 25% di nan salario keda vigente

ORANJESTAD – Parlamento di Aruba a bay di acuerdo cu e recorte di nan salario 25% keda vigente, pero mara na cierto condicionan. Asina presidente di Parlamento di Aruba Edgard Vrolijk a confirma diaranson atardi pa Noticiaciacla. “Un mayoria grandi ta sostene pa keda cu recorte pero cu voorwaarden entre otro mester (cu mester) tin un fecha di finalisacion cu ta bai hunto na momento cu e ambtenaar haya su 12,6 completo cu ta 2023” Vrolijk a specifica. “ Y den mesun grupo aki tin un grupo cu kier pa e 25% bai pa fundacionan” e la sigui bisa.

E REUNION  

Vrolijk a recorda cu tabata dialuna ultimo cu a pasa  cu e la yama Minister Presidente Wever Croes den reunion di Comision Central pa e splica e condicionan cu Hulanda a stipula. “ Despues di esey nos di Parlamento a reuni y riba e pregunta nos ta keda cu e recorte di salaris di 25% cu a ser poni como condicion.

GRUPO CONTRA

E la admiti si cu un grupo chikito ta bisa cu semper tabata solidario pero ta haya cu e recorte mester caba, awor cu ambtenaar cuminsa haya paso esey ta e idea semper. “Hasta e versoberingswet a bai unda cu politiconan a duna conforme ambtenaarnan y awo ta haya cu mane ambtebaar haya nan tambe mester haya(trato igual)” e ta bisa. “Pa locual ta e LNT como voorwaarde esey nos ta caba e ronda di consulta cu e companianan y prome cu recess e ley lo ser trata. Y esakinan a ser poni den un carta y cu opinion di cada fraccion” sr Vrolijk a finalisa bisando.