RMR no a tuma decision awe riba eliminacion di recorte salarial!

DEN HAAG – Conseho di minister di Reino no a tuma decision riba e eliminacion di recorte di salario di 12.6%, y a pospone esaki pa keda trata dia 24 di juni awor. Asina Noticiacla a haya confirma di ministerio di Asuntonan Interno di Hulanda (BZK)  diaranson mainta.  kier men cu contrario na e intencion pa aproba esaki awor, a opta pa no dicidi ainda. E motibo no ta pa motibo cu e secretario di estado Hulandes van Huffelen ta bishitando e islanan Aruba, Corsou y St Maarten, pero no ta conoci kico e motibo ta pa e posponemento. 

WEVER CROES

Tabata siman pasa cu prome minister Wever Croes a informa cu Conseho di Minister a aproba pa elimina e recorte contal cu cumpli cierto condicion, y cu diaranson (awe), RMR lo ratifica esaki sin problema. ALgun rato despues e secretario di estado Hulandes a indica cu e ta ‘habri’ pa papia riba e eliminacion. Pero minister president a sigura cu e la haya OK di Hulanda pa haci e anuncio. Awor tin cu warda otro luna pa un decision final.