- AZV: Otro luna tin traspaso automatico di clientenan di dokter Vink pa HOED Piedra Plat
- SETAR a tene su Avigilon ALTA Launch Event cu enfoke riba e futuro di seguridad
- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
Van Huffelen a saluda ‘tur e pal’i muhernan’, y Maduro a canta awe mainta
ORANJESTAD – Secretaria di estado Hulandes Van Huffelen a saluda ‘tur e pal’i muhernan’ den sala, y Minister di finanza Maduro a canta awe mainta durante e seminario ‘Women Leadership Seminar! Strong Woman Choose to Challenge. Tabatin algo pa tur hende durante e seminario dirigi riba hende muher den aula di Universidad di Aruba awe mainta. Por lo menos, asina e mainta a cuminsa cu e prome (di varios) orador y panelista. Den e raportahe aki, ta enfoca riba e prome dos oradornan.
VAN HUFFELEN
Aunke e la asumi su funcion apenas algun luna pasa, e secretario di estado Hulandes ‘nobo’ Alexandra van Huffelen a hacie un custumber di inicia su discursonan cu frasenan na Papiamento. Y diamars mainta durante su presentacion na Universidad di Aruba, esaki no tabata un exepcion. ‘Danki pa e caluroso bon bini” e mandatario a inicia. Loke mas a hala atencion ta e frase “ Un saludo caluroso na tur e pal’i muhenan den sala” cu a causa un hilaridad y aplauso di e publico cu tabata (cu excepcion di dos pa tres homber) consisti di solamente hende muher. Su discurso, mientras no uno largo (algo menos cu 9 minuut), a toca varios aspecto local dirigi riba e ser femenino.
DISCURSO
E mandatario a reconoce cu na Aruba y otro islanan den Reino Hulandes, riba e rol di liderazgo femenino, nos ta mas avansa cu Hulanda, refiriendo na e hecho cu nos tabatin varios prome minister femenino, mientras cu ainda Hulanda no a logra esaki. “Un prome minister femenino na Hulanda ta algo cu ainda nos ta wardando ariba”. E la reconoce cu Antiyas antes tabatin ya caba no menos cu 5 prome minister femenino, di cual Maria Liberia Peters so a lidera pa 7 aña. E mandatario a reconoce cu Aruba tin mas muher poderoso, manera windsurfer Sarah Quita Offringa, Nidia Ecury pa literatura y arte na papiamento, y Virgina Dimentricia den su tempo a rebeldia contra sclavitud y awe ta conoci como e rebelde di Aruba. Pa van Huffelen, e la admiti cu su inspiracion tabata e filosofo y escritor Frances Simone Beauvoir cu a scirbi un buki ‘The Second Sex’ riba e tema di ser femenino y a cita e frase “Bo no ta nace como muher, pero bo ta bira uno”. E la caba su presentacion citando e cancion di e maestro Doble R, ‘Ta Muhe ta manda mundo!”. Por lesa e discurso AKI.
MINISTER CANTANDO
Loke a hala atencion tambe ta e forma con e minister di finanza di Aruba Xiomara Maduro a inicia su discurso, cantando un cancion di Vicente Ras. Por scucha e cantamento di e minister AKI.
Figaroa: Proximo gobierno mester consisti di solamente vakministers
ORANJESTAD – E lider politico hoben di e partido politico Direccion Politiea Leonardo Figaroa , ta pensa cu den e proximo gobierno, e lidernan politico di e partidonan den coalicion no mester bira minister sino bay den Parlamento. Y mester forma e gobierno cu solamente 7 minister y tur mester ta vakminister, esta no politico. Cu esaki, Leonardo ta pensa cu mester ‘kibra tradicion’.
Minister na Merca ta lobby cu banconan pa fia 160 miyon dollar
WASHINGTON – Minister di finanza di Aruba Xiomara Maduro a cuminsa lobby cu varios banco Mericano e siman aki, pa logra haya un fiansa di 160 miyon dollar. E mandatario a confirma cu e ta na Merca pa ‘atende e IMF Spring Meetings na Washington DC’, unda cu e ta ‘probecha pa reuni cu diferente banco pa por haci e preparacionnan necesario pa Aruba por subi mercado internacional pa por cubri e necesidad financiero di Aruba’. Algun di e banconan cu e mandatario a lobby cu ne pa purba haya fianza, ta JP Morgan, Standard Charter, Citi Group y Santander. Durante e lobbymento, e tin cu convence e institutonan financiero di tur loke ta pasa na Aruba y pa prueba cu Aruba tin un ‘stabilidad financiero cu ta brinda e confiansa na inversionista’. Segun e mandatario, e ta un suma cu ta wordo ‘refinancia’ di e debenan internacional existente cu ta madura. ‘ Como ta refinancia, esaki no lo crece e debe di Pais Aruba’, e mandatario a sigura bisando.
Wever: Fin di di dos cuartaal 2024, centro di Oranjestad ta haya mas luz
ORANJESTAD - Despues di e instalacion inicial di 50 luz aña pasa, ta intensifica e esfuerso pa mehora e visibilidad y seguridad den nos centro di ciudad cu instalacion di 100 palo di luz adicional nobo den nos centro di ciudad. E proyecto aki ta parti di e strategia holistico di revitalisacion di Oranjestad pa crea un ambiente mas sigur y atractivo pa tur su habitantenan, bishitantenan y empresarionan.
Minister Glenbert Croes a sobrevivi un mocion di desconfiansa
ORANJESTAD – Cu 12 voto contra, y 8 pro y uno abstene, Parlamento a vota contra e mocion di desconfiansa contra e minister encarga cu inmigracion, Glenbert Croes. E mocion tabata entrega pa partido MAS y AVP Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.
Partido MAS a entrega mocion di desconfiansa contra minster Glenbert Croes
ORANJESTAD – Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.
Mas di 2 mil habitante di Aruba, Corsou y St Maarten por vota den eleccion parlamentario Europeo
DEN HAAG/ORANJESTAD - Personanan ku nashonalidat hulandes na Aruba, Kòrsou i Sint Maarten ku dia 6 di yüni tin 18 aña òf mas por vota pa elekshon di Parlamento Oropeo di 2024. Pa hasi esaki e mester registrá su mes komo votadó na e munisipio di Den Haag, no mas tardá ku djaweps 25 di aprel 2024. Por registrá fásilmente ònlain. Riba e wèpsait www.stemmenvanuithetbuitenland.nl por haña mas informashon i e formulario di registrashon.
Follow NoticiaCla
