A termina curso exitoso di documenten controle ( Doc-1)

MACUARIMA - Recientemente a termina un curso tocante di “Documenten Controle ( DOC-1)”. E curso aki a wordo duna pa Koninklijke Marechaussee KMAR hunto cu Scol di Polis E.J. Watty Vos. E ta un curso traha y dedica pa personalnan cu ta traha na frontera di Pais Aruba. E ta basa riba con pa reconoce y trata na momento cu haya documentonan falsifica.

E curso tabata uno basta intenso na unda personal  di IA (Immigracion Aruba), GNC  (Guarda Nos Costa) y KPA  (Cuerpo Policial Aruba) a participa y na final a logra pase cu exito. Cu e curso aki e personal ta mas prepara pa asina eleva e seguridad na nos frontera.

Minister di Husticia y Asuntonan Social Sr. Rocco Tjon tabata presente hunto cu e representantenan di KMAR, director di Immigracion Aruba Sr. Hoo, di Guarda Nos Costa Sr. Kramers y di Cuerpo Policial Aruba Sra. Richardson-Baars.

Esnan cu a haya nan certificado: 

G.M.  Tromp, M.M. Maduro, R.R. Croes, P. Halley, I. MADURO, D. Phillip, G. Solognier, M.T. William, R. Lopez Miranda, S.A. Bikker, G.F. Vrolijk, R.A. Kelly, L. Kelly, G.E. Werleman, N.T. Croes, M. Ras, J.C. Wernet, M. Maria, L.J. Lacle, M.C. Jarzagaray