ORANJESTAD – Mientras cu e prome caso di monkey pox osea ‘bruela di macaco’ a yega Hulanda, Aruba ainda no tin motibo pa alarma. “ Na e momento aki DVG no tin informacion pa duna riba loke ta monkey pox” vocero di Departamento di Salud, Jurrette Croes a bisa noticiacla diabierna. “ Si nos ta sigui informacion international y di Caribe y manera cu nos di salud publico señala un of otro menasa pa loke ta salud di comunidad. Mesora nos lo informa” Croes a finalisa bisando. Mientrastanto e prome caso a yega Hulanda y ta plamando den varios otro parti otro di mundo.
KICO TA BRUELA DI MACACO
Bruela di macaco ta parecido na un bruela regular, esta cu blaar chikito riba bo curpa tur caminda y ta contagia ora cu un persona mishi cu otro via mishi, of tosamento of saliva. E simptomanan ta malesa manera keintura, calafrieu, dolor di musculo, y un tipo di blar. E ta cuminsa cu un grawatashi, hopi biaha riba cara y despues por plama. E ta mustra mortal, y aworaki ta plamando rond mundo, cu ta algo hopi inusual. E no ta asina contagioso si y no tin cura conoci pe actualmente.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.