- AZV: Contracto cu dentista Mayra Rosales ta termina
- Pastoral Hubenil Aruba cu Caminda di Luz Hubenil na misa di Dakota
- Gobierno Hulandes a anuncia pasonan conkreto despues di disculpa pasado di sclabitud
- Fin di siman aki gobierno nobo di St Maarten ta huramenta porfin
- Exposicion ‘The trip of my life’ na Bibioteca Nacional di Aruba
Aruba International Regatta na caminda pa luna di Augustus
ORANJESTAD - Aruba International Regatta na caminda pa luna di Augustus. Aruba su pareha di bida mas importante ta e lama rond du nos. Puntra bo mes: Cua tabata e ultimo biaha cu bo a bay lama? Pa landa? Snorkel? Sailing? Bishitantenan ta paga hopi placa pa bini Aruba y landa cu e tortuganan, mientras cu mayoria di nos ta neglisha nan existencia. E evento venidero di Aruba International Regatta kier recorda nos cu e Blue Highway ta habri y obtenibel no solamente pa negoshi pero tambe pa diversion.
E regatta ta inspira nos pa bay lama y disfruta di un actividad liber, fisicamente y emocionalmente, empodera pa e biento. Pensa riba e relacion feliz aki entre lama y biento, semper presente, brasando tur banda di Aruba. Un forsa eterno cu e poder di eleva nos spirito y laga nos bula riba tur cos, literalmente.Nos tin cu pensa mas riba lama, e ta e base di nos bida y socio di nos turismo. No solamente un reserva di cuminda pero tambe medicina pa e alma.E ta consola y calma nos, refresca y inspira nos. Pues pa es motibo e merece proteccion. Nos tin cu analisa nos maneranan di biba ora di considera lama, con nos ta uza y abusa di dje, hunto cu e impacto cu esaki tin ariba nos isla. E mester ta un forma di duna y haya bek. Kico lo sosode si nos haci nada pa proteha y conserva nos lama?Pa ARF, Aruba Regatta Foundation, e competencianan di boto ta djis un excusa pa nos sali for di cas y nos oficinanan y bisti flipflops cu zwembroek. E competencianan ta planea pa Diasabra 20 di Augustus y Diadomingo 21 di Augustus 2022, den diferente categoria. Dos tremendo dia di sailing y diversion na Surfside Aruba. E competencia su base lo ta rond di e beach bar popular. E Regatta lo yama bon bini na sailors regional for di Aruba, Curacao y Bonaire despues di un pausa di dos aña. E ultimo evento exitoso a tuma luga na 2019, y bo por mira e bunita potretnan di Chibi van der Hans na @arubaregatta riba Instagram. Por spera participacion di: Mini sailboats, Beachcats, Optimists, Kites, IQ-Foils, Windsurfers, Sunfishes, Lasers & Yachts, tur lo competi net dilanti di Oranjestad waterfront den loke ta promete di a un spectaculo hopi bunita. Eric Mijts tabata chief organizer di Aruba International Regatta pa 11 aña. E aña aki e eveno lo wordo maneha pa Rik van der Vaart y Anthony Hagedoorn. Rik, cu su mesun compania studio-advisory.com hunto cu su casa Pamela, semper tabata envolvi cu e Regatta. Fuera di patrosina e Regatta, nan ta mantene su intencion di mas grandi cual ta sostenibilidad. Eric a baha for di posicion di presidente, Rik awo lo maneha mayoria di e strategia di e organisacion. ARF ta hopi agradecido pa su apoyo significante y continuo.
Anthony Hagedoorn? Ningun hende conoce nos awanan mas cu Anthony, kende na edad di 20 aña a inicia su carera profesional como charter boat captain, y ta sail nos awanan tur dia! Rik ta bisa cu el a siña sail for di su tata, y mi ta puntra mi mes con hopi tata contemporario ta hiba nan yiunan lama den fin di siman pa siña nan con pa sail? Rik ta haya cu e Regatta ta un oportunidad pa mustra e isla e importancia di nos co-existencia sostenibel cu e lama rond di nos, colaborando cu FPNA pa educa tur participante riba e Aruba Marine Park venidero, awor parti di Parke Nacional.
E meta ta pa atrate mas sailors hoben cu ta posibel pa e Regatta, inspirando amor pa sailing den generacionnan jong y conectando nos Arubianonan y bishitantenan na naturalesa pa asina conscientisa y encurasha preservacion di e recurso di mas importante cu nos tin y ta depende di dje. arubanationalpark.org/main/
ASD Aruba tambe ta trahando cu Regatta riba e cambio di plastic di un solo uzo pa solucionann sostenibel, birando pionero den alternativanan pa plastico di un solo uzo na restaurantnan y riba beach.
E evento pa opening di ARF lo ta riba Diabierna 19 di Augustus cumisando pa 5PM na Universidad di Aruba y e prome caredanan lo tuma luga na Surfside Beach for di 9’or di mainta riba 20 y 21 di Augustus.Tur capitan, crew, boluntario, sponsor, sailing clubs manera WRCA y SYWA, Clifford Rosa y Stichting Rancho, y tur interesa den e Aruba International Regatta por registra aki pa haya tur informacion rekeri.E ceremonia di premiacion lo ta pa 6PM riba Diadomingo 21 di Augustus, bo ta cordialmente invita.aruba-regatta.org/
Inter ta titula campeon di Italia pa di 20 biaha ganando di AC Milan
MILAN – E ekipo di futbol professional Italiano Inter a gana su di 20 titulo di campeon di Italia, despues di a gana e final contra AC Milan dialuna atardi cu score di 2-1. Denzel Dumfries, e orguyo di Aruba a drenta den 7 minuut prome cu final di e partido , pero a keda expulsa algun minuut despues cu carchi cora na final pa un bringamento cu un hungador di AC Milan Hernandez cu a provok’e. Un asunto cu tabata canando caba. Cu e victoria aki, inter por pone un di dos strea riba nan uniform den e proximo temporada. AC Milan tin uno.
Ekipo di Denzel Dumfries (Inter) ta hunga contra Milan pa e titulo di Italia awe
MILAN – E ekiponan rival Italiano AC Milan y Internazionale ta topa otro pa e titulo nacional. Interesante pa Aruba ta cu e ‘Arubiano’ Denzel Dumfries ta figura den e hungadornan pa e seleccion di Inter. E ekiponan ta rivalnan grandi di otro. Mientras cu Inter ta e faborito, 46% chens pa gana epartido, un victoria no ta sin mas. Milan lo haci tur cos pa daña e ‘fiesta’ di Inter. E hecho cu Inter a gana Milan 5-1 tempran den e temporada aki, no ta nifica nada pa e wega di awe nochi, segun comentarista italiano di futbol. E wega ta cuminsa pa 2:45pm ora di Aruba.
MLB impresiona cu catcher di Aruba pa Atlanta Braves Chadwick Tromp
ATLANTA — E pelotero professional di Aruba Chadwick Tromp ta hayando mencion tras di mencion pa su prestacion actualmente den e ekipo di Atlanta Bravez. E siman aki tabatin un otro raportahe riba su prestacion, unda cu varios punto di Tromp ta resalta. Entre nan, su abilidad pa conecta cu pitchernan di su ekipo, e determinacion pa traha duro, e disciplina y su forma di ta. Y e prestacion actual pa e temporada aki unda cu e la habri 6 wega caba como e catcher principal pa e ekipo, ta wordo considera como remarkable.
E careda di ciclista ‘12 Hours di Aruba’ ta bolbe na 2024!
ORANJESTAD - E tenshon ta subiendo mientras e edicion di 2024 di 12 Hours di Aruba ta acercando. Riba djasabra 20 di april, participantenan entusiasta di entre otro Aruba, Curaçao, Bonaire i Hulanda ta reuni na Sero Cristal pa un di e eventonan mas emocionante den e region. Cu un mescla di adrenalina, team spirit i pa un bon causa, e evento internacional aki organisa pa FX Hubada ta promete pa ta un espectáculo cu ningun hende kier perde.
Coredornan di Aruba ta cla pa e marathon di Londen pa diadomingo
LONDEN – Un grupo basta grandi di por lo menos 10 coredor di Aruba ta participa diadomingo na e marathon di London, considera como un di e marathon crucial internacional. Diabierna nan a registra nan mes oficialmente y a haya nan number y bib (e registro electronico) pa nan por participa. For di e portal deportivo 297 Sports, noticiacla a compronde cu tin por lo menos 50 mil participante diadomingo awor. Esnan di Aruba cu ta participa ta e.o. e docter di cas Joaquin van Trigt y e coredor conoci Shariska Winterdaal, Ana Mujica, Jeanette Croes, Lili Mejia, Edeline Weller, Filomena Paesch, Esther Colina, Carla Fingal y Ricky Refunjol. Potret cortesia 297 Sports.
Rafael Nadal: Mi ta considera esaki como mi ultimo aña (hungando tennis professional)
BARCELONA – E strea internacional di tennis professional Rafael Nadal a anuncia cu esaki ta su ultimo aña professional. “ Mi ta considera esaki como mi ultimo aña y mi kier disfruta di cada momento” Nadal a bisa dialuna durante un conferencia di prensa na Barcelona. E la anuncia su participacion diamars awor na e torneo ATP na Barcelona. Ta su prome participacion despues di a retira tres luna pasa di e torneo na Australia. E ganador di 22 titulo grandslam, a dicidi ultimo momento pa participa e siman aki. E tenista di 37 aña di edad mester a sacrifica varios torneo debi na su condicion fisico cu no tabata optimal. Ultimo tempo e ta sufriendo di basta lesion y a indica aña pasa caba cu esaki por ta su ultio aña. Awe e la confirma cu esaki enberdad ta su ultimo aña hungando tennis professional.
Follow NoticiaCla
