Minister Glenbert Croes a reuni cu Secretario di Estado van Huffelen

DEN HAAG  – Minister Glenbert Croes (Labor y Social) a reuni dialuna cu secretario di estado Hulandes Alexandra van Huffelen como parti di su bishita di trabou cu a inicia dialuna. Ademas e ta programa pa reuni cu 

Minister pa Asuntonan Social y di Labor Karien van Gennip, Minister pa Clima y Energia Rob Jetten, Secretario di Estado di Husticia y Seguridad Eric van der Burg . Tambe Minister Croes lo tin un reunion cu Staatsraad pa Aruba mr. Milly Schwengle. Mientras tanto e reunion cu Sra. Schwengle ya a tuma luga durante cual e mandatario a entreg’e un copia di su maneho y a elabora riba e reunionnan cu e mandatario lo ta sosteniendo na Hulanda.

VAN HUFFELEN

Dialuna tambe e reunion cu Secretario di Estado pa Asuntonan di Reino Sra. Alexandra van Huffelen a tuma luga. E mandatario a expresa su gratitud na Sra. Van Huffelen pa a ricibi su persona, agradecido pa e cooperacion y apoyo cu Aruba a haya di Gobierno di Reino na un momento asina crucial den historia. Manera e mandatario Arubiano a expresa: “Nos lo sigui cana e caminda hunto, coopera hunto brindando tur nos ciudadanonan un caminda pa un miho futuro semper”.

Proximamente riba agenda ta e reunion entre Minister Glenbert Croes y e Minister di Energia di Gobierno di Hulanda, Sr. Rob Jetten.