- Gobierno na sindicatonan: Ta haciendo lo maximo pa para recorte salarial na juli
- Pandemia tabatin su debido efecto riba e cifras di AZV den 2021
- AZV tin reto grandi pa yena vacatura pa dokter di cas
- Habitantenan disgusta cu huma causa pa quadracer na candela
- Mas di 130 ciclista a participa den e Ride of Silence na Aruba
Gobierno no a keda cla awe cu tur detayes pa cu BTW
ORANJESTAD – Gobierno awe no a keda cla ainda pa determina e cantidad di tasa y e porcentahe di e impuesto indirecto cu kier introduci entrante 1 di januari 2023, cu ta e Belasting op Toegevoegde Waarde (BTW). Asina minister di finanza Xiomara Maduro a splica noticiacla diabierna atardi. Di otro banda, gobierno a tuma decision riba cierto parti aunke no a bisa cua. Manera cu e mandatario a bisa e portal, ministerraad lo mester a tuma decision awe riba e puntonan cardinal di BTW. “Tin decision pero detayes ta sigui otro simoan pasobra tin un informacon cu ta pending”. Y a compronde cu e informacion cu ta pending, ta determina e decision pa sa kico ta bira e porcentahe y cuanto.
POSIBILIDADNAN
Entre e decisionan cu mester a tuma ta cuanto e haltura di e porcentahe di BTW ta bira, y si ta mantene dos porcentahe, esta uno pa productonan mas barata y otro pa productonan cu ta cay den un bracket mas halto, of si ta tene na un solo porcentahe cu ta haci henter e proceso mas facil tambe pa e.o. e comerciante. A compronde cu mientras cu e ta beneficia e consumidor pa tin dos tasa, pa e comerciante cu tin cu administra esaki, e ta bira un problema logistico basta grandi y cu ta costa tempo y placa.
INVESTIGACION
A compronde cu tin informacion cu gobierno lo ta wardando ariba di un investigacion cu un instancia ta haciendo pero cu no ta cla y cu ta wordo presenta te otro luna, esta juni. Pues ta bira dificil pa determina algo sin cu e informacion ey ta cla. Asina mes, tabata e mesun minister cu a sigura cu awe durante conseho di minister lo a tuma decisionan crucial pa cu e BTW. Lo warda awor pa otro siman gobierno haya mas informacion y wak di e ora lo presenta e decisionan final.
Gobierno na sindicatonan: Ta haciendo lo maximo pa para recorte salarial na juli
ORANJESTAD – Den un intento pa logra para e accion di otro siman di 5 sindicato, prome minister di Aruba Evelyn Wever diahuebs atardi a manda informa e sindicatonan cu gobierno ta ”haciendo nos maximo esfuerso pa stop e recorte den di dos mita di e aña aki, manera nos a bisa semper” e mandatario a cuminsa bisa. “Nos meta ta pa entrante juli stop e recorte mensual di 5%, y pa otro aña, aña 2023, stop e recorte di 12.6% completamente” e ta sigui bisa. E sindicatonan a informa diahuebs via un pamfleta digital, cu otro siman diamars atardi nan ta tene un marcha di protesta cu ta coicidi cu yegada di e mandatario Hulandes.
Miembro di ‘College voor de rechten van de mens’ tabatin audiencia virtual cu Gobernador
ORANJESTAD – Ex director di VNO pa Aruba y actual miembro di College voor de Rechten van de Mens desde 2017, Señora Geneviève Lieuw, , riba diamars 17 di mei 2022 a papia cu Gobernador di Aruba, Su Excelencia Alfonso Boekhoud, via MS Teams. Durante di e combersacion aki a papia principalmente tocante e derechonan humano denter di Reino.
Hunta di supervision di Lotto a pone director Tuitt riba non actief
ORANJESTAD – E director di Fundacion Lotto pa Deporte Robert Tuitt a wordo poni riba non-actief desde dialuna. For di fuente fidedigno, noticiacla a confirma cu for di dialuna e trahadonan tambe a wordo informa. E director no por actua y of firma na nomber di e fundacion por lo pronto. Un decision cu e hunta di supervision a tuma. E motibo exacto no ta conoci si. Pero ta un hecho cu e directiva ta esun cu a tuma e decision.
Minister Wever: E cumbre tema YES ta inicia e siman aki
ORANJESTAD - Durante un conferencia di prensa dialuna Minister di desaroyo sostenibel, Sr. Mr. Geoffrey Wever, a anuncia cu Young Entrepreneur Summit (YES) San Nicolas ta un encuentro cu tin 2 fecha, cual e prome lo tuma luga diahuebs binidero, 19 di mei 2022 na Principal Movie Theater.
Awe gobierno ta dicidi riba e.o. tarifa cu lo usa pa BTW
ORANJESTAD – Awd diabierna, gobierno ta dicidi e.o.ki tarifa ta wordo aplica pa e impuesto indirecto cu ta keda introduci na januari 2023, esta e BTW (Belasting op Toegevoegde Waarde). Minister di finanza Xiomara Maduro a confirma cu esaki enberdad ta poni riba agenda di conseho di minister pa diabierna, pa asina tuma e decision. Posibilidadnan cu ta core, ta entre otro si ta mantene un tarifa so of ta bay pa dos diferente tarifa. Ora cu papia di dos tarifa, ta papia di entre 14% y 18%, mientras cu ora cu papia di 1 solo tarifa, esaki por bira mas sigur 12.5%. Fuera di e tema di BTW, lo trata tambe presupuesto 2023. Ta mustra cu e aña aki si, e presupuesto di pais Aruba lo keda entrega na tempo, esta pa 1 di september 2022.
Minister ta defende FASE: Si mester a warda pa e ley, hende lo a muri di hamber!
ORANJESTAD – Si mester a warda pa e ley di FASE keda cla y pasa, hende lo a muri di hamber. Asina minister Glenbert Croes a bisa diahuebs atardi, durante un conferencia di prensa, den un intento pa refuta mayoria di e critica exponi pa Raad van Advies recientemente den un rapport riba FASE. E rapport tabata basta critico riba e proyecto aki, cu mester a genera placa pa un grupo grandi di hende cu a keda ‘desampara’ ora cu e pandemia a toca porta di Aruba dos aña y mei pasa. Mientrastanto, segun e minister, e suma di 79 miyon florin a keda ‘reparti’ entre 18 mil persona durante e pandemia. Un suma di algo mas di 800 florin mensual, pa esnan cu a perde nan trabou completo.
Follow NoticiaCla
