Lionel Messi ta atleta miho paga pa 2022 segun Forbes

LIMA – Joran van der Sloot a dicidi di bringa su extradicion pa Merca toch. Su abogado Maximo Altoez a confirma esaki na prensa Hulandes dialuna. E kier entama un caso sumario pa preveni e extradicion e siman aki for di Peru pa Merca. Vd Sloot a cambia di opinion despues di un bishita di personal di embahada Hulandes cerca dje den prison na Lima. Nan lo a conseha Joran pa entama un caso sumario pa bringa e extradicion. No ta conoci pakico e personal cu a bishite, lo a consehe pa haci tal. Joran a rechasa pa firma su pasaporte di emergencia, pa cual e documento no ta bira valido y cu ta prohibie pa pasa frontera Peruano. 

LIMA – E sospechoso di desaparicion di e Mericano Natalee Holloway na 2005 na Aruba, Joran van der Sloot, ta wordo extradita mas sigur diahuebs awor pa Merca. Asina e portal di noticia Mericano ABC News ta raporta, citando nan fuentenan internacional. Noticiacla a raporta e noticia di e traslado como primicia den fin di siman caba, ora cu e la bandona e prison Challapalca diasabra marduga manera planea. E ta wordo intrega na Interpol cu ta percura pa su traslado pa e estado di Alabama, cu guia di agentenan federal Mericano.  Vd Sloot ta sintando un castigo di prizon di 28 aña pa asesinato di e Peruana Stephany Flores. Y ta warde un castigo di 25 aña di prizon na Merca si haye culpable tambe di e cargo di extorcion y estafa. 

MIAMI – Un dia despues cu e temporada di horcan pa 2023 a inicia, (juni 1:red), e prome tormenta tropical a nace caba, cu tin e nomber Arlene. Arlene ta move slow den direccion zuid y e sistema aki no ta

MANCHESTER – Ex gobernadro di estado Mericano di New Jersey Chris Christie lo anuncia su candidatura pa presidencia di Merca pa 2024 otro siman diamars. Ta su di dos intento, despues cu e no a logra na 2016. E biaha ey e la termina na di 6 lugar. Despues e la endorsa Donald Trump cu a bira presidente.  

LIMA – E sospechoso principal di desaparicion di e mericano Natalee Holloway, Joran van der Sloot, a wordo bati severamente den prizon na Peru unda cu e ta sinta castigo pa asesinato di Stephany Flores. Asina su abogado a bisa e cadena di television Mericano ABC NEWS. E abogado no ta kere cu e ta relaciona cu e extradicion di vd Sloot pa Merca e siman aki.  E sospechoso ta wardando extradicion pa Merca riba cargo di extorcion y fraude di intento di beneficia financieramente di e desaparicion di Holloway na 2005. Awe por cierto ta cumpli 18 aña cu e Mericano a disparce na Aruba. Vd Sloot actualmente ta den e seccion medico di e prizon y a pidi su traslado pa otro prizon mas liher cu ta posibel.