Ex minister Oduber ta cla cu prome interogacion y a keda encarcela

ORANJESTAD – Despues di a pasa su prome oranan di interogacion pa e caso penal Flamingo, ex minister Otmar Oduber a wordo poni ‘den verzekering’, cu ta e terminologia legal pa ‘encarcela’. Vocero di Ministerio Publico Ann Angela a confirma esaki diamars atardi pa noticiacla. Esey kier men cu e ta keda deteni pa por lo menos 2 dia, y ta pasa su prome anochi den un cel na un warda di polis. Di otro banda, si keda cla cu su interogacion prome cu e proximo 2 dianan, e por recobra su libertad. Den e proximo dianan e lo keda interoga atrobe y despeus ta determina si ta necesario pa prolonga su detencion cu 8 dia mas. E ta deteni y sospecha di estafa y soborno.