Abogado Carlo: Ministerio Publico no a investiga e caso contra su cliente suficientemente

ORANJESTAD – Ministerio Publico no a investiga suficiente. Asina e abogado di e sospechoso Rasmijn den e caso Appolo di asesinato di Poentje Castro a bisa diabierna despues di e caso.  Segun Carlo, su cliente ta wordo inocentemente acusa di ta wordo envolvi. E ta referi e.o. na un video di su cliente cu lo ta core bay, y despues ta tende tiro. Pues e ta cuestiona con esey por ta posibel. Ademas, apenas 2 testigo for di un cantidad di 17 testigo cu a scucha e tiro ta pone su cliente na e lugar di e crimen. E abogado ta para ariba cu tin otro hende na e sitio di e crimen, y no su cliente ora cu e crimen supuestamente a tuma lugar. E abogado ta admiti si cu e cliente tabata na e sitio, y cu nunca e la nenga esey, pero e tabatey pa cumpra droga, pero no a asesina Castro. Algo cu e cliente a bisa for di 2011, durante e prome interogacionan. Potret cortesia 24ora.com