Hues a declara P. Susebeek Jr liber di acusacion di labamento di placa

ORANJESTAD – Hues a declara Pieter Susebeek Jr liber di acusacion di labamento di placa diahuebs mainta. Abogado mr David Kock a confirma esaki pa noticiacla.com.

E CASO

Pieter Susebeek Jr ta un hungador professional di  poker player (local y internacional). Durante un entrada hudicial den e caso di Avestrus na oficina di su tata, nan ta haya un suma grandi di placa cash den un kluis. Na autoridad e tata ta bisa di biaha cu ta di e yiu, pero toch nan ta confisca e placa. E ora e yiu a cuminsa un caso pa haya su placa back. Despues di e tratamento Fiscal a nombr’e comoacusado di labamento di placa. E caso pa haya e placa back e ora no ta bai door. Despues a dagvaard Susebeek Jr y su caso a wordo trata 3 siman pasa. Awe huesa declar’e liber y a ordena pa duna e placa back. Huez ta di acuerdo cu e defensa cu Susbeek a duna un splicacion razonabel cu basta prueba cu ta un jugador professional di poker y cu tabata gana basta den 2 casino cu Fiscal a investiga. Fiscal no a investiga na otro casinonan cu Susebeek a bisa, unda cu tambe e tabata hunga, y a investiga solamente e periode 2019-2021. E ora hues no ta wak base pa duda den e declaracion razonabel di Susebeek cu ta haci cu Fiscal mester e ora prueba cu e placa ta procedente di un delito, cual Fiscal no a logra haci. Pesey e la wordo declara liber di tur acusacion. Fiscal tin 14 dia si pa apela.