Dos homber hulandes kier habri un ‘gay resort’ na Corsou

Posted on 05/3/2022 9:59 am AST | Updated on 05/3/2022 9:59 am AST

WILLEMSTAD - Emisora hulandes AVROTROS a publiká riba nan wèpsait un artíkulo tokante dos hòmber hulandes, Martijn i Sean, ku a kumpra un kas den e bario di Grote Berg. Nan tin intenshon pa kuminsá un ‘gay resort’ den e kas. AVROTROS pa e programa di televishon ‘Ik Vertrek’ ta sigui e dos hòmber ku nan plan.

Intenshon di Martijn i Sean ta pa habri ‘e promé gay resort na Kòrsou’. Segun nan esaki mester bira un lugá ‘na unda tur hende por ser nan mes, no opstante preferensia seksual’.

E dos hòmber a bai di akuerdo ku e programa hulandes ‘Ik Vertrek’ pa filma nan den nan intento pa habri e gay resort. Segun AVROTROS ‘Martijn i Sean’ a kumpra un kas pa 333.000 euro (mas o ménos 632.000 Naf). Intenshon di e dos hòmbernan ta pa konstruí sinku studio i dos apartamento den e lugá. Ku e ‘gay resort’ nan ta spera pa duna un kontribushon na mas aseptashon di homoseksual riba e isla. E programa lo wòrdu transmití djasabra 7 di mei na NPO1 15.30 or (orario di Kòrsou). Riba e wèpsait di ‘Ik Vertrek’ ta indiká ku e plan di e dos hòmbernan ta hopi ambisioso. Na Kòrsou nan ta traha huntu ku un kontratista. Na promé instansia e ta yuda e dos hòmbernan, pero segun AVROTROS, na un dado momento e kontratista ta stòp ku su trabou pa e ‘gay resort’. Pa kolmo e dos hòmbernan hulandes ta keda informá ku henter e kas tin problema ku komehein. I komo konsekuensia e konstrukshon ta bira mas karu.

Esaki tin su konsekuensia negativo riba e relashon di e pareha homoseksual. E programa ‘Ik Vertrek’ ta hopi popular na Hulanda. E ta duna atenshon na hulandesnan ku ke emigrá. Hopi di nan ke kuminsá un restorant, hotèl, resort òf negoshi den nan pais nobo.

Mayoria bia esaki no ta bai fásil. ‘Ik Vertrek’ ta registrá e intento di e hulandesnan ku ke kuminsá un bida nobo pafó di Hulanda i pa yega na esaki nan tin ku vense diferente problema. NOTA: E texto ta scirbi den Papiamento fonetico di Corsou.

Ekipo di futbol Hulandes Ajax a yega Corsou pa un siman di actividad
WILLEMSTAD - E ekipo kampion di futbòl hulandes, Ajax, ta riba nos isla, pa asina trese un siman ku vários aktividat sosial pa nos komunidat. Gran parti di e delegashon di Ajax a yega den oranan di ayera tardi ku vários di e nòmbernan konosí di pasado i presente. Tabatin por ehèmpel Edwin van der Sar èks kiper di Ajax, Juventus i Manchester United. Van der Sar awor aki ta un ehekutivo di e ekipo. Tambe por a mira dos èks defensa di Ajax ku ta Micheal Reiziger i Winston Bogarde den e delegashon. Tur dos awor ta parti di e staf tékniko. I pa loke ta trata e hungadónan ku tambe a yega tabatin Dusan Tadic, kapitan di Ajax i alabes kapitan di selekshon di Serbia, Ryan Gravenberg un di mediokampistanan mas talentoso di Hulanda, Brian Brobbey delantero hóben, Nicolas Tagliafico hungadó di Ajax i tambe miembro di selekshon di Argentina. I huntu ku nan a yega e gran Jurriën Timber ku tin rais di Kòrsou.
Mas Corsow
Lesa Mas
Corsou ta raporta su di 12 motro morto den trafico pa e aña aki
WILLEMSTAD - Tráfiko di Kòrsou a registrá e di 12 morto pa aña 2022. Segun informashon ofisial di polis, e hòmber shofùr tabata move den su vehíkulo riba Schottegatweg West direkshon Rio Canario. Na altura di e lusnan di tráfiko ku krusada Santo Domingoweg (pòmp di gasolin na Buena Vista) e shofùr a pèrdè kontrol riba su stür, dal den waya di isla i bòltu den kura di isla.
Mas Corsow
Lesa Mas
Na Corsou, penshonado a malversa mas di 300 mil di fondo di ALM
WILLEMSTAD - Korte di promé instansia ayera a trata un kaso di malversashon basta lamentabel. Ta trata di e akusado E.M.di 74 aña ku a presentá den sala di korte pa responsabilisá su mes pa su akto. E.M. ta keda akusá ku den e periodo di 1 di yanüari 2010 te ku desèmber 2017, a malversá 329 mil florin for di e montante di 956.0625 florin. Ta trata aki di plaka di fondo di penshun di e kompania di aviashon ALM.
Mas Corsow
Lesa Mas
Na Corsou, e gang NLS kier a pomp 1 miyon florin den politic ana 2016 pa haya poder riba husticia
WILLEMSTAD - E caso Themis a sigui ayera den korte di promé instansia na Corsou ku e último parti di e tratamentu. Tabata e parti por sierto ku a hala basta atenshon kaminda nòmber di polítikonan a keda menshoná den e kaso Themis, manera Pik, Zita, Emely, Davelaar, Braam (Dok) i Dick. E kabesantenan di e organisashon kriminal tabata na altura ku tantu Emely komo Zita tin hipotek i kier a buska manera pa aserka nan i kumpra nan.
Mas Corsow
Lesa Mas
Na Corsou Hoben (21) a bai defende mama y a tira tata di criansa mata
WILLEMSTAD - Un hoben di 21 aña di edat a keda detené komo sospechoso den un kaso di asesinato di su propio tata di kriansa. Ayera mainta trempan alrededor di seis or, Sentral di Polis a risibí informashon di un kaso di tiramentu ku a tuma lugá na un kas den Kaya Pachi Jan Bakhuis, kaminda un persona a keda seriamente heridá. Djis un ratu despues Sentral a risibí informashon ku e víktima di e tiramentu a yega Sala di Emergensia den un vehíkulo partikular.
Mas Corsow
Lesa Mas
AFC Ajax ta bishita Corsou pa hunga contra team Corsou
WILLEMSTAD – AFC Ajax ta bishita Corsou pa hunga contra team Corsou. Durante di un konferensia di prensa, Ofisina di Turismo di Kòrsou (CTB) huntu ku FFK, Jong Holland, Kontentu Media Center i Call To Action Management (CTAM) a duna informashon referente e programa durante di e bishita di AFC Ajax na Kòrsou. Despues di un temporada nashonal i internashonal eksitoso e selekshon di AFC Ajax lo ta na Kòrsou di 17 pa 21 di mei 2022. E programa lo konkluí ku un partido amistoso. Delaster biaha ku e selekshon tabata na Kòrsou ta na 2010, pues ta un bon momentu sigur pa konosé otro di nobo. Kòrsou for di 2020 ta partner ofisial di Ajax i ta prominentemente visibel ku e logo ‘Curaçao’ riba manga di e shùrt di e ekipo. Tambe durante partidonan Kòrsou ta visibel tur kaminda den e stadion i na televishon (inter)nashonal.
Mas Corsow
Lesa Mas