Na Corsou, servisio di ‘ground handling’ Hato lo por keda paralisa

Na Corsou, servisio di ‘ground handling’ Hato lo por keda paralisa

Posted on 04/29/2022 10:34 am AST | Updated on 04/29/2022 10:35 am AST

WILLEMSTAD - Den e fin di siman ku ta drenta aki komunidat, i partikularmente esnan ku ta biaha lo por haña nan mes konfrontá ku un situashon fèrfelu, esei pa motibu ku nan ta kore e riesgo ku nan ekipahenan lo no ser atendé. Tin chèns ku empleadonan di “ground handling”, den e kaso aki dje kompania Swissport Cargo, lo bai den akshon. Esei EXTRA por a komprondé for di un kòmbersashon ku e presidente di UGTK/Cadmu, sr. Wendell Muelen. Segun sr. Muelen, e situashon lo por bira unu ferfelu bèrdat pa motibu ku ta e grupo aki ta atendé ku maleta i algun otro servisio di karga, kual lo por keda paralisá, ku tur e konsekuensianan ku esei por trese kuné.

Segun sr. Muelen, tin algun tempu kaba, for di yanüari por sierto, ku e sindikato ta negoshando un kontrato kolektivo pa su miembronan di Swissport, pero gerensia di e kompania no ke kita for di nan posishon. Un dje puntonan prinsipal ku ta negoshando ta salarionan. Tin un kantidat grandi for di e grupo di 70 empleado ku tin basta aña trahando, ku un entrada ku no ta surpasá fl. 1.700.- pa luna, pues e salarionan ta hopi abou i e ta kere ku lo por duna algu mas. Ta solamente trahadónan ku tin hopi aña di servisio tin salarionan ku ta surpasá dos mil florin pa luna.

Tin pago abou, siendo ku e trahadónan mester ta disponibel for di 5or di mainta te 10or djanochi pa atendé ku kargo di avionnan ku yega. Nan ta traha asina duru ku nan boka di traha a bira nan kas, pasobra nan ta pasa mas aki ku na nan kas mes. Aworakí partidonan ta na mesa ketu bai i no por sali afó. Sindikato a pidi 7% di oumento, i asta a mustra disponibilidat pa baha na 6%. Pero gerensia ta para riba 3% i no ke kita for di e posishon ei. Nan ke un oumento konforme subida di kosto di bida, pero e realidat ta ku finalmente e salarionan ei ta hopi abou. Si bai duna un oumento di akuerdo ku nan proposishon, e trahadó lo bai kas ku un oumento di apénas fl. 50.-, i na momentu ku kita belasting for di dje e lo keda para mes kaminda òf te asta bai atras.

Segun sr. Muelen, komo sifuera no ta basta esnan den tòp di gerensia ta bai fo’i Kòrsou, poniendo ku tin di negoshá ku hende na distansia te na Trinidad. Pero nan ta para riba nan punto pa motibu ku ni airopuerto ni haf ta kai bou di Areglonan Laboral. Nan lo por tin un rason pero komo sindikato e ta konsiderá ku partidonan ta den un negosiashon, i e lo keda para riba e punto di oumento salarial. NOTA: Texto ta scirbi den Papiamento fonetico di Corsou. 

  • Ekipo di futbol Hulandes Ajax a yega Corsou pa un siman di actividad

       Ekipo di futbol Hulandes Ajax a yega Corsou pa un siman di actividad

    WILLEMSTAD - E ekipo kampion di futbòl hulandes, Ajax, ta riba nos isla, pa asina trese un siman ku vários aktividat sosial pa nos komunidat. Gran parti di e delegashon di Ajax  a yega den oranan di ayera tardi ku vários di e nòmbernan konosí di pasado i presente. Tabatin por ehèmpel Edwin van der Sar èks kiper di Ajax, Juventus i Manchester United. Van der Sar awor aki ta un ehekutivo di e ekipo. Tambe por a mira dos èks defensa di Ajax ku ta Micheal Reiziger i Winston Bogarde den e delegashon. Tur dos awor ta parti di e staf tékniko. I pa loke ta trata e hungadónan ku tambe a yega tabatin Dusan Tadic, kapitan di Ajax i alabes kapitan di selekshon di Serbia, Ryan Gravenberg un di mediokampistanan mas talentoso di Hulanda, Brian Brobbey delantero hóben, Nicolas Tagliafico hungadó di Ajax i tambe miembro di selekshon di Argentina. I huntu ku nan a yega e gran Jurriën Timber ku tin rais di Kòrsou.

  • Corsou ta raporta su di 12 motro morto den trafico pa e aña aki

    Corsou ta raporta su di 12 motro morto den trafico pa e aña aki

    WILLEMSTAD - Tráfiko di Kòrsou a registrá e di 12 morto pa aña 2022. Segun informashon ofisial di polis, e hòmber shofùr tabata move den su vehíkulo riba Schottegatweg West direkshon Rio Canario. Na altura di e lusnan di tráfiko ku krusada Santo Domingoweg (pòmp di gasolin na Buena Vista) e shofùr a pèrdè kontrol riba su stür, dal den waya di isla i bòltu den kura di isla.

  • Na Corsou, penshonado a malversa mas di 300 mil di fondo di ALM

    Na Corsou, penshonado a malversa mas di 300 mil di fondo di ALM

    WILLEMSTAD - Korte di promé instansia ayera a trata un kaso di malversashon basta lamentabel.  Ta trata di e akusado E.M.di 74 aña  ku a presentá den sala di korte pa responsabilisá su mes pa su akto. E.M. ta keda akusá ku den e periodo di 1 di yanüari 2010 te ku desèmber 2017, a malversá 329 mil florin for di e montante di 956.0625 florin. Ta trata aki di plaka di fondo di penshun di e kompania di aviashon ALM.

  • Na Corsou, e gang NLS kier a pomp 1 miyon florin den politic ana 2016 pa haya poder riba husticia

    Na Corsou, e gang NLS kier a pomp 1 miyon florin den politic ana 2016 pa haya poder riba husticia

    WILLEMSTAD - E caso Themis a sigui ayera den korte di promé instansia na Corsou ku e último parti di e tratamentu. Tabata e parti por sierto ku a hala basta atenshon kaminda nòmber di polítikonan a keda menshoná den e kaso Themis, manera Pik, Zita, Emely, Davelaar, Braam (Dok) i Dick. E kabesantenan di e organisashon kriminal tabata na altura ku tantu Emely komo Zita tin hipotek i kier a buska manera pa aserka nan i kumpra nan.

  • Na Corsou Hoben (21) a bai defende mama y a tira tata di criansa mata

    Na Corsou Hoben (21) a bai defende mama y a tira tata di criansa mata

    WILLEMSTAD - Un hoben di 21 aña di edat a keda detené komo sospechoso den un kaso di asesinato di su propio tata di kriansa. Ayera mainta trempan alrededor di seis or, Sentral di Polis a risibí informashon di un kaso di tiramentu ku a tuma lugá na un kas den Kaya Pachi Jan Bakhuis, kaminda un persona a keda seriamente heridá. Djis un ratu despues Sentral a risibí informashon ku e víktima di e tiramentu a yega Sala di Emergensia den un vehíkulo partikular.

  • AFC Ajax ta bishita Corsou pa hunga contra team Corsou

    AFC Ajax ta bishita Corsou pa hunga contra team Corsou

    WILLEMSTAD  – AFC Ajax ta bishita Corsou pa hunga contra team Corsou. Durante di un konferensia di prensa, Ofisina di Turismo di Kòrsou (CTB) huntu ku FFK, Jong Holland, Kontentu Media Center i Call To Action Management (CTAM) a duna informashon referente e programa durante di e bishita di AFC Ajax na Kòrsou. Despues di un temporada nashonal i internashonal eksitoso e selekshon di AFC Ajax lo ta na Kòrsou di 17 pa 21 di mei 2022. E programa lo konkluí ku un partido amistoso. Delaster biaha ku e selekshon tabata na Kòrsou ta na 2010, pues ta un bon momentu sigur pa konosé otro di nobo. Kòrsou for di 2020 ta partner ofisial di Ajax i ta prominentemente visibel ku e logo ‘Curaçao’ riba manga di e shùrt di e ekipo. Tambe durante partidonan Kòrsou ta visibel tur kaminda den e stadion i na televishon (inter)nashonal.

  • Powered by SETAR