Ministerio Publico ta investiga comentarista hulandes pa actonan di abuso sexual den añanan 70

HILVERSUM – Ministerio Publico di Hulanda a inicia un investigacion riba e posibel cargonan castigabel cu lo por a sosode den caso di presentador hulandes Johan Derksen di algo cu a pasa den añanan 70. Ta trata di un acto di abuso sexual di un hende muher, unda cu Derksen lo a penentra un muher cu tabata inconciente, cu un bela. Derksen a admiti esaki recientemente publicamente, pa cual e la haya hopi critica. Despues e la cambia su declaracion y bisa cu e no a penentra e muher, sino a simplemente ‘pone e bela mei mei di su pianan’. Como consecuencia e hunto cu co presentadornan Wilfred Genee y René van der Gijp, lo pidi despensa publicamente den e programa, pa e declaracionan haci diamars anochi den e mesun programa Vandaag Inside. Asina e compania cu a produci e programa, Talpa a laga sa. Segun Ministerio Publico mientrastanto, por papia claramente di comportamiento inaceptabel