Homber ta hoga na altura di ex hotel Bushiri

Posted on 04/27/2022 1:47 pm AST | Updated on 04/27/2022 1:50 pm AST

ORANJESTAD - Diaranson mainta pa 11:46 Central di polis ta wordo notifica via di alarm central cu lo tin un curpa sin bida ta drief den lama na altura di ex-Bushiri Hotel.

Ta despacha patruya na e sitio y na nan yegada ta bin topa cu familiar di e persona masculino. Ambulance ta yega na e sitio , pero lamentablemente no por a haci nada mas pa e persona.

A notifica Maritiem Politie y nan a logra saca e curpa sin bida for di lama y trese na pier na ex Bushiri Hotel.

Pa 12:45 dr Texier ta constata morto di Candido G. POURIER, naci na 04-10-1935 (85 aña) Aruba. Slachtofferhulp tambe a presenta na e sitio pa duna e famia asistencia den e momento dificil aki.

Cuerpo Policial ta manda palabra di condolencia na famia di e fayecido.

  • Powered by SETAR