Otro persona a keda deteni den caso penal Flamingo awe

ORANJESTAD – Diamars mainta e homber inicial J.A. Oduber a keda deteni y treci Landrecherche pa interogacion, relaciona cu e caso penal Flamingo, cu ta trata asunto di otorgamento di tereno di gobierno den un forma ilicito. Vocero di Ministerio Publico Ann Angela a confirma e detencion. E detenido ta yiu di e sospechoso principal den e caso, ex minister Otmar Oduber. E cargonan pa cual e la keda deteni, no ta conoci ainda. Despues di e interogacion, a dicidi pa pone e persona 'in verzekering' esta cu e ta keda encarcelal pa continua interogacion otro dia. E ultimo detencion den e caso aki tabata algun siman pasa ora cu e homber H.Croes a keda deteni pa algo mas di un siman.