Canal nobo CNN+ despues apenas un luna de aire, ta para transmission otro siman

ATLANTA – E servicio mas nobo di e canal di noticia CNN+ despues di apenas un luna, ya ta para su transmission. Tin rumor cu e no a haya e atencion cu a spera, y cu tin masha poco suscrito. Mirando e falta di interes, e compania responsabel,   Discovery,bou di cual CNN ta cay awor, a dicidi di para e operacion ey.  Un abono riba CNN+ tabata costa 6 dollar mensual, y tabata produci programanan di noticia, bida y biahe. Ta bisa cu a inverti por lo menos 100 miyon den e canal, cu a genera ‘apenas’ 100 mil suscrito. E clausura di e canal, ta nifica perdida di empleo tambe., Varios trahado a bay cay awor bou di e canal CNN mes, mientras cu centenares di periodista lo perde nan trabou otro siman. E hefe di CNN+ tambe tin cu retira.