Netflix a perde miles di abonado den prome trimester di 2022

SAN FRANCISCO – E compania di pelicula Netflix a perde 200 mil abonado rond mundo den e prome trimester di 2022 compara cu 2021. Esaki ta e prome caida den mas di 10 aña y cu esaki, su accion a cay 23% riba bolsa di balor riba Wall Street.  E gigante di streaming di pelicula ta culpa e caida den cifra na e dificultad pa haya abonado nobo rond mundo y tambe e hecho cu a suspende su servicio na Rusia. E pionero di e negoshi di streaming di video, a conoce un aumento grandi durante pandemia, y a spera un caida leve despues, pero no asina fuerte. A premira un aumento di 2.5 miyon di cliente, pero a perde mas bien 221,64 abonado. Cu Rusia so, a perde 700 mil abonado. CHARLY TRIBALLEAU / AFP