Embassy Suites by Hilton Aruba Resort ta habri fin di e aña aki

ORANJESTAD – E prome propiedad pa e ‘marca hotelero’ Embassy Suites by Hilton, considera como e di dos hotel Hilton na Aruba, ta habri su portanan fin di e aña aki. Asina e portal hospitality net ta raporta. Despues di tin basta tempo sin tende nada di e progreso di e hotel, awor ta conoci cu e hotel di 133 suites, ta poni pa keda cla pues laat den e aña aki, cubriendo mas di 7 mil meter cuadra.

RETRASO

Tabata ya na 2017 cu ambientalistanan a mustra preocupacion pa cu e localidad di e hotel, ora cu a tende un vrum vrum di e hotel caba. Pero tabata te na 2019 cu oficialmente e propietarionan Venezolano a anuncia cu e hotel lo bin Aruba, e hotel a anuncia aña pasa februari cu na April di e mesun aña (2021) lo a cuminsa tuma reservacion ya cu e hotel tabata cla pa habri e tempo ey. Pero Covid19 a bruha tur cos y awor ta mustra cu e fin di aña aki, e hotel finalmente lo habri su portanan. Photo by Hilton