Inspeccion di enseñansa hulandes: Abilidad basico di enseñansa hulandes mester mehora awo

DEN HAAG – E caida di e abilidad basico di idioma hulandes y rekenen mester wordo detene y mehora dentro di dos aña. Asina e rapport di De Staat van het Onderwijs 2022 di Inspectie van het Onderwijs na Hulanda ta bisa.  E cantidad di alumno cu ta bandona enseñansa cu mucho poco conocemento di e materia hulandes y rekenen, ta aumentando. Riba scol basico, alumnonan tin retraso riba e tereno di rekenen. Den scol secundario, e nivel average tambe ta bahando riba tur nivel di enseñansa. Pero e problema mas grandi ta riba nivel di VMBO. No ta prome biaha cu inspectie ta constata fayo cu e abilidad basico di alumnonan y studiantenan. Aña pasa caba inspectie a lansa grito pa mehora e abilidad basico.