CAFt: Ta dialuna atardi a ricibi peticion di Aruba riba absorbacion prijs di producto petrolero

ORANJESTAD – Apenas un dia prome cu gobierno anuncia e tarifa nobo di productonan petrolero, nan a puntra e colegio di supervision financiero CAft pa un conseho riba e tema. Y e colegio a confirma esaki pa noticiacla tambe. “Ta ayera tardi nos a ricibi un carta cu e topico ‘ Absorbacion di aumento di prijs di benta diproductonan deriva di petrolio na Aruba’ “,   CAft a confirma pa noticiacla diamars atardi. “ Den e carta aki ta pidi CAFt pa un reaccion” e comentario breve ta finalisa bisando. Pues no tabatin tempo pa ricibi un comentario bek na tempo pa por a haci e ahustacion mes. Y for di e mandatario encarga cu e tema, Geoffrey Wever, por a compronde cu e prijs pa e proximo luna lo posiblemente ta mas abou caba, ya cu e luna aki ta mustra cu esaki a baha riba tereno mundial. Y mirando cu ta basa riba e cifranan di e luna anterior, proximo luna (mei) e ora por spera un reduccion, aunke no por bisa cuanto. 

PAKICO CHECK CU CAFT

E mandatario, mescos cu prome minister Wever Croes dialuna, a splica cu no por djis absorba e suma sin mas, pasobra e tin efecto riba e relacion cu Hulanda den forma cu e por impedi Aruba un biaha mas di sigui haya sosten di likides. E mandatario a recorda cu aña pasa ora cu a baha loonbelasting, esaki a costa Aruba por lo menos 8 miyon na entrada, y cu CAft no a aprecia e gesto aki, y a pone e ora como consecuencia cu Aruba no ta haya mas ayudo di sosten di likides, pasobra nan a ‘laga’ 8 miyon bay. Y consecuentemente no kier pasa door di esaki un biaha mas. Como tal e biaha aki a opta pa CAft duna un conseho/aprobacion pa con mester of por absorba e aumento e biaha aki. A compronde cu ta basta dia pasa caba gobierno a anuncia e intencion aki. Pero awor ta resulta cu ta te dialuna numa gobierno a manda e peticion pa conseho, y lo mester ta 

‘pasobra ta awor a keda cla cu e calculacionan’. 

DIFERENCIA CU CORSOUE mandatario, contestando un pregunta di periodista Hilario Donker durante conferencia di prensa diamars atardi riba e tema, a splica cu contrario na Aruba, Corsou si a absorba e aumento, door di baha accijns. Y sin tin cu check cu CFT, manera Aruba mester a haci. Y segun Wever, esaki ta pasobra Corsou tabatin espacio pa aumenta e asina yama OB (Omzet Belasting) cu ta pone cu nan tabatin un forza pa absorba e aumento sin tin consecuencia drastico financiero, manera ta e caso di Aruba.