Van Huffelen: Envez di sosten di likides, por haya ‘bulletlening’ atrobe den futuro

DEN HAAG – Si resulta necesario pa e islanan Aruba, Corsou y St Maarten bolbe mester di sosten di likides pa un eventual brote nobo di Covid19, esaki por bin den forma di un prestamo sin interes unda cu mester paga esaki bek na final den un solo tiro, conoci como ‘bulletlening’, manera cu Hulanda a ofrece den pasado caba, cu un fecha di pago bek 10 di October 2023. Asina secretario di estado hulandes Alexandra van Huffelen ta bisa den un carta pa Parlamento Hulandes dialuna. Esaki mester bin si, via recomendacion di e colegio di supervision financiero CAft. 

TERMINACION DI SOSTEN LIKIDES

E mandatario ta recorda riba e decision di RMR di 25 di februari ultimo unda cu ta papia di terminacion di sosten di likides of caba esaki poco poco, conforme recuperacion di economia di e respectivo islanan. Ta mustra cu e ultimo ola di e pandemia ta tras di lomba y condicionan ta favorable atrobe pa desaroyo economico. Pero no mester kita di bista cu cos por bolbe daña (esey ta sosodiendo na Shanghai aworaki:red), y cu lo mester di sosten atrobe. Den cuadro di esaki, e mandatario a haci e sugerencia menciona!. Lesa e carta completo AKI.