Holiday Inn Resort FTA a ratifica cooperacion di hopi decada

ORANJESTAD - Holiday Inn Resort FTA a ratifica cooperacion di hopi decada. Asina e sindicato a informa dialuna. Tabata dialuna mainta cu directiva di Federacion di Trahadornan di Aruba (FTA) y gerencia di Holiday Inn Resort Aruba a yega na otro un biaha mas por medio di un Contrato Colectivo di Trabao (CAO).

E ACUERDO

Den e acuerdo aki a confirma tur e beneficionan existente como tambe a logra varios beneficio adicional manera un aumento di 8% di e salarionan dividi den e 3 añanan cu e CAO tin valides. Tambe a drecha e condicionnan di trabao di departementonan manera Housekeeping, Maintenance, aumento di e “Service Allowance” na momento di retiro voluntario debi na edad y eliminacion di Managers for di e sistema di compensacion a base di punto base di Sevice Charge, cual na su turno ta resulta den un aumento den entrada di e empleadonan di e departamento di Food & Beverage.

FTA a gradici e team negociador di Holiday Inn y di FTA cu por medio di nan esfuerzonan a yega na un resultado na agrado di tur envolvi.