Na Corsou tin 3 compania interesa pa maneha i opera refineria i Bullenbaai

WILLEMSTAD - Tin compania interes grandi na manehá i operá nos refineria i tambe e fasilidat di Bullenbaai. Asta esnan interes tabata na Kòrsou ku un delegashon pa tira un bista riba refineria i otro fasilidatnan.

No ménos ku 3 compania a entregá nan oferta definitivo pa maneho i operashon di refineria na Emmastad i terminal na Bullenbaai ora nan a entregá nan asina yamá ‘Binding Proposal’ na Refineria di Kòrsou (RdK).

E tim di RdK, enkargá ku e búskeda i selekshon di un partner stratégiko pa fasilidatnan petrolero konforme e mandato di Gobièrnu di Kòrsou, awor lo sigui rápidamente ku e trabounan pa evaluá e ofertanan ku a drenta.  Direktamente despues lo por presentá e resultado di e evaluashon na Hunta di Komisario i Akshonista.

E meta ta sigui ta pa no mas tardá ku medio di e aña aki yega na un akuerdo ku e kompania ku lo manehá i operá e instalashonnan petrolero di Kòrsou.

Na fin di febrüari último, RdK a hala e fecha pa entregá un proposishon final i fiho pa fin di mart 2022.  RdK a hasi esaki riba petishon di algun di e kompanianan ku tabata hasi nan estudionan pa por entregá nan proposishon. Durante e último lunanan tabatin vários delegashon di e kompanianan interesá ku a bishitá instalashonnan di refineria, pa asina tin un bista mas eksakto di e instalashonnan. Di e forma aki nan por a hasi un proposishon ku ta kuadra mas ku e realidat di e refineria na Emmastad i e terminal na Bullenbaai.

RdK lo sigui informá segun e proseso ta kana i na su debido tempu kompartí nòmber di potensial partner den operashon i maneho pa nos fasilidatnan petrolero.NOTA: Texto ta scirbi den Papiamento fonetico di Corsou.