Hues a prohibi SPA pa tene accion pa tempo indifini y pa 22 ora pa luna

ORANJESTAD – Hues a prohibi sindicato di polis SPA pa tene accion si e paro ta structural, pa tempo indefini y pa 22 ora pa luna. Asina un sentencia cu noticiacla tin den su poder, ta bisa diaranson mainta. Di otro banda, no ta prohibi pa tene otro accionan cu ta den protesta contra e retencion di e 12.6%. Dus SPA si lo por tene accionan di paro contal cu nan no ta structural ni dura 22 ora pa luna di acuerdo cu e juez. Asina abogado David Kock a confirma pa noticiacla mesora y ta poni tambe den e sentencia cu e portal aki tin den su poder. Hues pues ta impone un paro di accion, pero no manera cu gobierno a pidi, pasobra esey ta un paro di accion mucho amplio. Ademas hues no ta haya necesario pa impone un multa manera pidi pa gobierno. Di otro banda, corte no por impone un medida cu ta para e recorte di salario, pasobra e lo ta dunando gobierno un orden pa actua contra ley, esta e ley cu ta regla e recorte cu ainda ta vigente, no obstante e hecho cu e recorte ta viola e principio di salario di e trahadonan. 

E CASO

E caso ta gobierno di Aruba a entama conta e sindicato y a keda trata comienso di e luna aki. E tabata trata e peticion di gobierno pa hues entama un medida di ordo contra e sindicato, prohibiendo nan pa tene accion, te ora cu e caso sumario wordo trata y cu tin un sentencia. Banda di e caso aki, a trata tambe e caso di sindicato SADA pa e mesun tema. Por lesa e sentencia AKI.