RMR: Ta alarga fiansa pa Aruba pero no ta haya sosten di likidez

DEN HAAG – Conseho di Minister di Reino (RMR) ta refinancia e fiansa di Aruba, adkeri pa e periodo di pandemia, pero no ta bay di acuerdo pa Aruba ricibi sosten di likides pa e di dos cuartal. E total fia te awor ta monta na 915,5 myon florin Arubano cu awor ta keda alarga cu 18 luna. Esey ta e decision cu a cay awe mainta den e reunion na Hulanda y cu a keda informa publicamente. Algun rato despues, gobierno di Aruba a confirma e noticia aki tambe. E noticia tabata mescos pa Corsou y St Maarten.  .

SOSTEN

Hulanda a recorda cu nan a ofrece sosten na e paisnan den Reino durante di e pandemia. Entre otro riba tereno di cuido medico pero tambe sosten financiero. E a fia 441,7 mion euro (915,5 mion florin arubano) na Aruba, 449,2 mion euro (911 mion florin antiano) a bai pa Kòrsou, miéntras ku Sint Maarten a risibí 141,7 mion euro (292,4 mion florin antiano).

SIN INTERES

E fiansanan sin interes segun Hulanda, tabata necesario pa e paisnan por a sigui paga nan debe durante di e pandemia i subsidia costo salarial di e industria di comersio. Asina a prevení bancarota y desempleo ora ku turismo a cai afo comoconsekuencia di corona.

NO A RECUPERA 

E fiansanan di likides aki ta core te cu 10 di april 2022. E situacion economico financiero ainda no a recupera suficiente pa e pagamento bek ta posibel. P’eseyHulanda ta bisa di a dicidi pa prolonga e fiansanan sin interes cu 18 luna. E intencion ta pa usa e tempo aki pa haci palabracionnan di tempo largo tocante e pagamento bek.

SOSTEN DI LIKIDES

Aparte di esei, a discutí durante di KConseho di Minister di Reino cu pa e di dos cuartal, e paisnan (Aruba, Corsou y St Maarten) no tin mester di sosten di likides.

REACCION ARUBA

Aruba a reacciona cu e la ricibi ‘bon’ noticia y ‘mal’ noticia, esta e parti di alarga e debe y e noticia cu no ta haya sosten di likides entrante April 2022. Esey ta nifica cu Aruba tin cu bay bira creativo atrobe cu su pagonan pa por cumpli cu tur su metanan, mirando cu e si ta pensa cu e mester di ayudo ainda.