AHATA kier pa controla trafico maritimo na nos beachnan popular

ORANJESTAD  - AHATA ta boga pa Aruba implementa un plan integral pa regula y controla e trafico maritimo na nos beachnan popular.  Mescos cu a recomenda pa hopi aña pa gobierno introduci regulacion y control di vehiculo di tour riba tera (UTV/ATV), AHATA ta boga pa regulacion efectivo y control intenso riba nos beach publico y riba lama. Tur esaki ta relaciona cu e accidente fatal cu a tuma lugar diaranson unda cu un hobencita a perde su bida. 

TRISTESA

Aruba Hotel and Tourism Association mesora a expresa profundo condolencia na e famia cu a yega nos isla pa goza hunto y a perde nan yiu muher tragicamente.  “Nos ta gradici y aprecia e first responders cu a hasi tur esfuerzo posibel pa yuda scapa bida di e hobencita” e asosacion a bisa. 

DIALOGA

AHATA ta bisa di lo sigui lo sigui dialoga cu y apoya autoridadnan local pa yuda yega na un maneho efectivo cu ta sigura proteccion di personanan cu ta disfruta di nos beach y lama.