Baby ta muri despues di complicacion respiratorio na creche

ORANJESTAD - Un criatura di apenas 4 luna a fayece awe mainta despues di complicacion di respiracion na un creche. Vocero suplente di polis Liliana Rasmijn a confirma cu pa mas o menos 9:00, central di polis a wordo notifica cu un baby lo mester tin problema cu respiracion na un creche situa na Wayaca. Central di polis ta despacha un patruya di biaha y alavez ta pone personal di ambulance na altura. Patruya policial y personal di ambulance a yega cu maximo urgencia na e sitio. Personal di ambulance a trata e baby y cu maximo urgencia a transporte pa hospital. Lamentablemente pa 9:21am dokter ta constata morto di e baby mucha homber N.A.O.E. di apenas 4 luna.

Noticiacla y Cuerpo Policial ta manda palabra di condolencia y hopi forza na e famia di e baby. Potret cortesia 24ora.com