Futuro di Serlimar ta sigui den man di hues si ta mande bancarota of no

ORANJESTAD – Ainda Corte no a dicidi riba e ‘surseance van betaling’, cu mester a keda dicidi na comienso di Februari di e aña aki pa Serlimar. E decision cu hues mester tuma, ta si e ta prolonga e surseance of ta declara e compania bancarota definitivamente. For di minister encarga cu e compania, Ursell Arends, a compronde cu a cambia e hues den e caso aki, y como tal e lo dura un poco mas. Mientrastanto Serlimar lo keda den un duda kico su futuro ta pinta pe. Di otro banda, e mandatario a splica noticiacla cu den e presupuesto 2022, a aloca fondo pa Serlimar, pues cu no mester tin necesidad pa cera e compania, cu tur consecuencia. E compania pa varios aña a sufri di tal forma cu e compania mester a pidi proteccion dos aña atras, pa asina e por a hala rosea un poco y wak si por a logra restructura esaki. A prolonga esaki algun biaha cu e intencion pa na februari di e aña aki, tuma e decision final. E minister ta keda positivo cu por tin un salbacion pa e compania sui generis.