Gobierno a a bisti meya loco, pa sostene Dia Mundial di Down Syndrome

ORANJESTAD – Miembronan di gobierno di Aruba a  a bisti meya loco, pa sostene Dia Mundial di Down Syndrome. Manera ta conoci, dia 21 di maart, mundo ta para keto na e Dia Mundial di Down Syndrome. Un dia importante pa para keto tambe na e tema di inclusion. Na Aruba nos tin un comunidad grandi cu tin Sindrome di Down. Hopi biaha door di diagnostico, ta wordo poni un label riba nan of nan ta wordo huzga. Prome Minister Evelyn Wever-Croes a haci un peticion na nos comunidad, pa cada un di nos duna tur hende mesun oportunidad. 

E dia di Sindrome di Down ta wordo promove mundialmente cu bistimento di meyanan di diferente color, meyanan loco. Pa e motibo aki tambe, riba e dia importante aki di conscientisacion, Prome Minister hunto cu coleganan Minister Ursell Arends, Minister Endy Croes y Minister Dangui Oduber tambe a bisti meyanan di diferente color, meya loco, pa mustra sosten na e conscientisacion mundial.