Guera entre Rusia y Ucrania ta drenta su di 4 siman

KIEV – E guera entre Rusia y Ucrania a drenta su di cuater siman, cu areanan civil bombardia for di laira. Rusia a opta pa para su ofensiva terestre creando un pensamento cu tin un posibel fin na e conflict actual. Ucrania a acusa forzanan Ruso di a bombardea un teatro den Mariupol, cu tabata refugia centenares di persona. Mas di 3 miyon persona a huy caba, mientras cu presidente Mericano Joe Biden a yama su ‘colega’ Ruso como un criminal di guera. No obstante esey, Washington no ta compromete su mes, cumpliendo cu e peticion di Ucrania su peticion mas di grandi, esta pa bira miembro di OTAN. Diaranson den un declaracion na Congreso Mericano, e presidente Ucranio Volodymyr Zelenskyy a alerta cu e di tres guera mundial lo a cuminsa caba.