Tapaboca no ta obligatorio mas riba buelonan di KLM i TUI

WILLEMSTAD - Tin informashonnan alentador pa loke ta merkado di turismo pa Kòrsou. KLM i TUI a disidí ku nan lo no bai molestiá nan pasaheronan mas ku aplikashon dje regla di tapaboka obligatorio na bordo di nan avionnan. Esei ta nifiká ku entrante dia 23 di mart próksimo esnan ku ke biaha ku KLM i TUI lo por kumpra nan pasashi i subi na bordo sin tapaboka. I esaki ta bai no opstante e reglanan di gobièrnu hulandes ku ta bisa ku uso di tapaboka ta obligatorio despues di e fecha ariba menshoná tambe.

Tin mas kompania di aviashon ku ta konsiderá un obligashon asina komo algu iresponsabel i ta mustra riba e sosten ku ta bahando pa esaki i e posibel agresividat ku e tipo di obligashon aki por kousa serka pasaheronan.

T’asina ku kompanianan di aviashon ta haña ku ta inakseptabel ku den transporte públiko i asta den terminal di airopuerto Schiphol no tin obligashon di bisti tapaboka, i tòg den avionnan si.

Tantu KLM komo TUI a duna di konosé ku nan lo rekomendá bistimentu di tapaboka  solamente teku otro siman djárason. Mas aleu tambe Corendon i Transavia a partisipá ku nan lo bai stòp ku bistimentu di tapaboka. NOTA: Texto ta scirbi den papiamento fonetico di Corsou.