Durante razzia na dos cas a detene 3 persona y haya droga

ORANJESTAD – KPA a raporta cu a tene varios razzia awe, entre nan na percelanan na Seroe Alejandro y Rooi Kochi. E grupo cu a haci e razzia ta Project Team Drugspanden. Project Team Drugspanden ta un team cu a wordo lanta pa entre otro pa investiga bendemento di droga for di un percela y ariba caya. En conexion cu un investigacion  andando Project Team Drugspanden a haci entrada hudicial un un cas na Seroe Alejandro y un cas na Rooi Kochi.

Aki a detene 3 hende mohenan di inicialnan:

S.C.S.St.J.A. naci na Aruba 29 aña.

S.T.C.Vd L, naci na Aruba 31 aña.

S.H.S. naci na Aruba 64 aña.

Durante razzia na ambos cas a confisca un cantidad basta considerabel di Cocaina, Marihuana y placa. Na e cas na Rooi Kochi a confisca un revolver tambe Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nan ta pidi si bo tin cualkier informacion yama nos tiplijn di Polis cu ta: 11141. Nan ta garantisa cu bo ta keda anonimo. pa bendemento di droga. Potret cortesia KPA.