Februari 2022 a habri gobierno ta contesta pregunta di RvA riba presupuesto 2022

ORANJESTAD – Esaki ta otro aña cu presupuesto di pais Aruba no ta cla na tempo. Ora cu aña 2022 a habri, y basa riba e 'promesa' cu e lo ta entrega na januari 2022, noticiacla a puntra e mandatario si ta logra entregue 'manera priminti', e mandatario a contesta cu e tabata na RvA.  Algo cu pa varios aña a bira un ‘mal custumber’, y cu mas bien a bira un ‘cultura’, siendo cu tin mechanismonan na su lugar pa evita esaki. E colegio di supervision aña pasa a referi na esaki como un 'tradicion cu e ta laat'. Asina mes, e presupuesto no por keda cla na tempo, pa di tantismo biaha. Aña pasa, Gobierno a anuncia cu tabatin un retraso, pero cu pa januari 2022 e prespuesto lo a yega Parlamento. Esaki sinembargo no a resulta atrobe. Februari a habri, y nada ainda. Ora cu aña 2022 a 

CONTESTANDO PREGUNTANAN

Ora cu noticiacla a averigua kico ta e tardansa, e mandatario encarga, minister Xiomara Maduro a mustra e portal aki cu “Gobierno ta bezig ta contesta pregunta di Raad van Advies”, pues lo tuma un tempo mas prome cu e yega su ‘destino final’. E mandatario a sigura e portal aki cu e ‘no lo tarda hopi mas”. Asina mes e presupuesto un biaha mas ta laat, contrario na palabracionan cu gobierno tin cu e.o. e colegio di supervision financiero CAFt, cu pa ley ta mustra cu e mester ta den nan poder pa 15 di December di e aña anterior. Ademas, segun ley di controleria general, e mester ta entrega pa 1 september di e aña anterior. E prome indicacion cu e presupuesto lo tabata laat, tabata aña pasa ora cu e mandatario a bisa e portal aki cu ta 'wardando formacion di gobierno', siendo cu pa e.o. CAft, esaki tabata un excusa. Despues fin di september, gobierno a informa cu e presupuesto 2022 tabata 'den su fase final'.